Dil cheer ke dikhla dain ik naam tumhara hay

Dil cheer ke dikhla dain ik naam tumhara hay

Hum ab bhe jo zinda hain ehsaan tumhara hay

Jab chhup chhup rotay hain niendon ko tarastay hain

Aisay main humain teri yaadon ka sahara hay

Kehtay hain mohabbat main jaan daitay hain dil walay

Iss rah saiy guzernay ka armaan humara hay

Ab beech sumandar main aaiy hain tau kiya sochain

Kis simt koe kishti kis simt kinara hay

Koch phool k patton main kaantay bhe tau hotay hain

Phir kiya hay ghalat jeewan hum nay jo guzara hay

Manzil he nehi paatay jo chuntay hain rah-e-ishq

Iss payar ke baazi main ik roz khasara hay

Ik rog hay tanhaie ik rog mohabbat hay

Donon ke qarabat nay ik shakhs ko maara hay

Hum dard k maron ke pooch na khaber shaukat

Din raat tarapnay main bas apna guzara hay .....

Mein Is Hisaar Se Nikluun Tou Kuch Aur Sochuun

Mein Is Hisaar Se Nikluun Tou Kuch Aur Sochuun

Tumhaaray Pyaar Se Nikluun Tou Kuch Aur Sochuun

Teri Gali Ke iLaawa Bhee Aur Qirye Hain

Jo Is Dayaar Se Nikluun Tou Kuch Aur Sochuun

Tumhaaray Hijr Ki Sadyaan Tumhaaray Vasl Ke Din

Mein Is Shumaar Se Nikluun Tou Kuch Aur Sochuun

Racha Howa Hai Tera Ishq Meri Pooron Mein

Mein Is Khumaar Se Nikluun Tou Kuch Aur Sochuun

Ye Mera Jism Ke Maatam Saraa-e-Hasrat Hai

Mein Is Mazaar Se Nikluun Tou Kuch Aur Sochuun

Ye Mujh Mein Kon Mere Raat Din Sambhaalta Hai ?

Is Ikhtiyaar Se Nikluun Tou Kuch Aur Sochuun

Tumhaari Jism Ki Khushbuu Ne Kardia Mas-hoor

Is Aabshaar Se Nikluun Tou Kuch Aur Sochuun

Ye Be-Qaraari Meri Rooh Ka Ujaala Hai

Mein Is Qaraar Se Nikluun Tou Kuch Aur Sochuun

Teray Hijr Mein Aur Mujhy Kya Kerna Hai ?

Teray Hijr Mein Aur Mujhy Kya Kerna Hai ???

Teray Naam Kitaabein Likhta Rehta Hun…..

Teri Zulf K Saaye Dheyaan Mein Rehtay Hain

Main Subhon Ko Shaamein Likhta Rehta Hun

Apnay Pyaar Ki Phool Mehakti Raahon Mein

Loogon Ko Deewaarein Likhta Rehta Hun

Tujh Say Mil Ker Saaray Dukh Dohraaon Ga

Hijr Ki Saari Baatein Likhta Rehta Hun

Sokhay Phool, Kitaabein, Zakham Judai K

Teri Sub Soghaatein Likhta Rehta Hun

Us Ki Bheegi Palkein Hansti Rehti Hain

Jab Tak Ghazlein Likhta Rehta Hun….

Bichar gaya hai jo ab us ka malaal kya karna,

Bichar gaya hai jo ab us ka malaal kya karna,

Ab us ki yaad mein jeena muhaal kya karna,

Mein janta hoon ke woh bewafa na maaney ga,

Wohi jawab miley ga, Sawal kya karna,

Tu hijar de gaya aur pyar ko bhula betha,

Woh bewafa tha ab us ka khayal kya karna,

Usey bhulana hi Arshad teri bhalayi hai,

Dil-e-tabaah ko ab hasta haal kya karna..

Jheel sa mujh ko gehra laga tha,

Jab woh pehli baar mila tha,

Har rasta, khushbu rusta tha,

Woh mere hamraah chala tha,

Ankhon mein kajal phela tha,

Chahat ka khamosh sila tha,

Hum dono mein rang usi ka,

Raste mein jo phool khila tha,

Kese bhula doon us ko Arshad,

Woh tou mera aayina tha..

Tumhare barey mein hum ne jtne bhi khawab dekhe,

Tumhare barey mein hum ne jtne bhi khawab dekhe,

Yeh khawab kab they dar-haqeeqat azaab dekhe,

Tumhare chehere ki chandni pe nazar ho jis ki,

Woh kese mumkin hai jalwaa mahtaab dekhe,

Yeh kher-o-shar ki tameez apni jagha hai lekin,

Jinon mein kis ne gunah dekhe sawaab dekhe,

Hamare honton pe peyas ab tak sajji huyi hai,

Tumhari chahat mein hum ne kya kya saraab dekhe,

Mere chaman me hai zard mausam ki hukmrani,

Zamana guzra hai koi taaza gulaab dekhe,

Teri nigahon ne mast-o-bekhud kiya hai warna,

Sharab dekhi na hum ne jaam-e-sharab dekhe,

Qaraar ik pal nahi hai us ke bagher Arshad,

Judai mein uski hum ne kitne azaab dekhe..

Zindagi rukh badal gayi hoti

Zindagi rukh badal gayi hoti,

Kash tu mujh ko mil gayi hoti,

Zindagi ko galey laga leta,

Har tamana pighal gayi hoti,

Kash tu mujh ko mil gayi hoti,

Khawab palkon pe mein sajaa leta,

Tujh ko seeney se mein laga leta,

Apne dil mein tujhe basaa leta,

Meri kismat badal gayi hoti,

Kash tu mujh ko mil gayi hoti,

Aahh nikle gi hont si loon ga,

Jis tarah ho sake ga jee lon ga,

Zeher bhi hanste hanste pee loon ga,

Gham ki yeh dhoop dhal gayi hoti,

Kash tu mujh ko mil gayi hoti,

Ab tere gham ko dil mein paloon ga,

Haan judai ka zakham kha loon ga,

Maut ko bhi galey laga loon ga,

Maut bhi aa ke tall gayi hoti,

Kash tu mujh ko mil gayi hoti..

Azaab Jitne Bhi Aane The Tal Gaye Saare

Azaab Jitne Bhi Aane The Tal Gaye Saare

Teri Nigaah Se Mosam Badal Gaye Saare,

Bas Ek Shikaar Howa Ek Hi Shikaar Howa

Pher Us K Bad Parinde Sanbhal Gaye Saare,

Para Hoon Be Sar-o-Samaan Sab-e-Maqtal Mein

Mere Khiyaam Sar-e-Shaam Jal Gaye Saare,

Woh Mil Giya To Usay Kuch Bhi Na Keh Paaya

Jo Lafz Soche The Ashkon Mein Dhal Gaye Sare,

Ek Intizaar Ne Aysa Hisaar Mein Rakha

Mein Peeche Reh Giya Aage Nikal Gaye Sare.

Saher Qareeb Hai Taaron Ka Haal Kya Ho Ga

Saher Qareeb Hai Taaron Ka Haal Kya Ho Ga,

Ab Intezaar K Maaron Ka Haal Kya Ho Ga,

Teri Nigaah Nay Zalim Kabhi Ye Socha Hai,

Teri Nigaah K Maaron Ka Haal Kya Ho Ga,

Naqaab Un Ka Ulatna To Chaahta Hoon Magar,

Bigarr Gaye To Nazaaron Ka Haal Kya Ho Ga,

Muqaabla Hai Tere Husn Ka Bahaaron Say,

Naa_Jaanay Aaj Bahaaron Ka Haal Kya Ho Ga ….

Poetess : Saba Akhtar
Contributed : Zahid Shah

Kaisa maftoh sa manzar hai kai sadiyon se

Kaisa maftoh sa manzar hai kai sadiyon se

Mere qadmon pe mera sir hai kai sadiyon se

Khof rehta hai na seelab kahen le jae

Meri plkon pe tera ghar hai kai sadiyon se

Uss k pani me bhi pehle sa wo thehrao nahin

To bhi bechain sumandar hai kai sadiyon se

Ashak ankhon me solagate hoe s oo jate hain

Ye meri ankh jo banjhar hai kai sadiyon se

Kon kehta hai mulaqat meri ajj ki hai

Too meri rooh k andar hai kai sadiyon se

Yee mujhe sans bhi khol kar nahin laine daita

Meri shee raag pe jo khanjar hai kai sadiyon se

Ae meri maa main har ikk dhop se lar sakta hon

Mere sir par teri chadar hai kai sadiyon se

Main ne jis k lie har shakhs ko naraz kia

Roth jae na yahi dar hai kai sadiyon se

Usski adat hai jharhen katate rehne ki WASI

Jo meri zaat ka mehwar hai kai sadiyon se 

Abhi to ishq me aisa haal bhi hona hai

Abhi to ishq me aisa haal bhi hona haiK ishq rokana tum se mahal hona hai
Har aik lab pe hain meri wafa k afsaneTere sitam ko abhi la zawal hona hai
Baja k khar hain lakin bahar ki rot meYe teh hai abb k humen bhi nahal hona hai
Tumhen khabar hi nahin tum to loot jao geTumhare hijar me lamha bhi saal hona hai

Hamari rooh pe jab bhi azab otaren geTumhari yaad ko us dil ki dhal hona hai
Kabhi to roe ga wo bhi kisi ki banhon meKabhi to us ki hansi ko zawal hona hai
Milen gi hum ko bhi apne naseeb ki khoshiyanBus intazar hai kab ye kamal hona hai
Har aik shakhas chale ga hamari rahon parMohabbaton me humen wo masal hona hai
Zamana jis k gham-o-pech me olajh jaeHamari zaat ko aisa sawal hona hai
WASI yakeen hai mujh ko wo loot ae gaUse bhi apne kie ka malal hona hai ...........

میں اب تک چل رہا ہوں

کچھ دن سے

مجھے کچھ اَن کہے الفاظ نے بے چین کررکھا ہے

مجھے سونے نہیں دیتے

مجھے ہنسنے نہیں دیتے

مجھے رونے نہیں دیتے

یوں لگتا ہے

کہ جیسے سانس سینے میں کہیں ٹھہری ہوئی ہے

یوں لگتا ہے

کہ جیسے تیز گرمی میں

ذرا سی دیر کو بارش برس کے رک گئی ہے

گھٹن چاروں طرف پھیلی ہوئی ہے

بہت دن سے

مری آنکھوں میں سپنوں کی

کوئی ڈولی نہیں اُتری

بہت دن سے

خیالوں میں‘ دبے پاؤں

کوئی اپنا نہیں آیا

بہت دن سے

وہ سب جذبے

جو میری شاعری کے موسموں میں رنگ بھرتے تھے

کہیں سوئے ہوئے ہیں

مرے الفاظ بھی کھوئے ہوئے ہیں

میں اُن کو ڈھونڈنے

اِس زندگی کے دشت میں نکلا تو ہوں لیکن

مجھے معلوم ہے‘ جذبے

اگر اک بار کھو جائیں

تو پھر واپس نہیں ملتے

مجھے معلوم ہے پھر بھی

ابھی اک آس باقی ہے

میں اب اُس آس کی انگلی پکڑ کر

چل رہا ہوں

بظاہر شبنمی ٹھنڈک مجھے گھیرے ہوئے ہے

مگر میں جل رہا ہوں

میں اب تک چل رہا ہوں