Aik Gulaab Bara Udaas ....

Aik Gulaab Tha
Bara Hi Udaas Tha
Rang Bhi Uska Tha Ura Ura Sa
Shabnam Ke Aansoo Rawan The Us K
Dil Tha Uska Kuch Bujha Bujha Sa
Bahar Ka Tha Mausam Phir Bhi Na Khila Tha
Daali Se Tha Woh Apni Kuch Jhuka Jhuka Sa
Main Ne Jo Dekha Usay,
Paas Ja k Pucha Usay,
Kyun Hai Udaas Tu ?
Kyun Karta Hai Dil Barbad Tu ?
Yeh Sun kar Woh Ronay Laga
Shabnam K Aansuon Se Moonh Dhonay Laga
Aur Rotay Rotay Bas Ye Kehnay Laga
Mera Yaar Mujhko Chor Gaya Hai
Mera Pyar Mujhse Moonh Mor Gaya Hai
Ab Main Kis ke Liye Khil Jaon ?
Ab Main Kis ke Liye Khushbu Mehkaoon ?
Mujhe Kaun Apne Dil Se Lagaye Ga ?
Mujh ko Kaun Apni Saanson Mein Basaye Ga ?
Mera Chaman Ujar Gaya Hai
Mera Yaar Mujhse Bichar Gaya Hai
Bas Ab To Har Lamha Ussi Ki Yaad Hai
Bas Beqarari Hai Tadap Hai Fariyad Hai
Mujhko Mere Yaar Se Mila Day
Mujhko Koi Mera Pyar Lauta Day
Wo Aaye ga To Khil Jaon ga Main
Apni Zindagi Se Mil Jaon ga Main ...