عشق کی ایک ھی کہانی ھے
دل لگانا ھے چوٹ کھانی ھے
آج پھر اس نے روٹھ جانا ھے
آج پھر رو کے شب بتانی ھے
بعد تیرے پتا چلا مجھ کو
میری آنکھوں میں کتنا پانی ھے
ھنستے ھنستے ، چھپا کے اشکوں کو
بات دل کی مگر سنانی ھے
کتنا اچھا ھے مر مٹے تم پر
زندگی یوں بھی آنی جانی ھے
روز مرتا ھوں ایک حسرت میں
میرے کس کام کی جوانی ھے
کیوں نہ غم کو عزیزِ جاں رکھوں
اُس ستم گر کی یہ نشانی ھے
طارق ایوب خان
No comments:
Post a Comment