Dayaar_e_Noor Mein Tera Shabon Ka Saathi Ho

Dayaar_e_Noor Mein Tera Shabon Ka Saathi Ho,

Koi To Ho Jo Meri Wehshaton Ka Saathi Ho,

Main Us Say Jhoot Bhi Boloon To Mujh Say Sach Bolay,

Mere Mizaaj K Sab Mausamon Ka Saathi Ho,

Main Us K Haath Na Aaon Wo Mera Ho K Rehay,

Main Gir Parroon To Meri Pastiyon Ka Saathi Ho,

Wo Mere Naam Ki Nisbat Say Mo'atbar Thehray,

Gali Gali Meri Ruswaaiyon Ka Saathi Ho,

Karay Kalaam Jo Mujh Say To Mere Lehjay Mein,

Main Chup Rahoon To Mere Tewaron Ka Saathi Ho,

Main Apne Aap Ko Dekhoon Wo Mujh Ko Dekhay Jaye,

Wo Mere Nafs Ki Gumraahiyon Ka Saathi Ho,

Wo Khuwaab Dekhay To Dekhay Mere Hawaalay Say,

Mere Khayaal K Sab Manzaron Ka Saathi Ho ...