Is Ka Socha Bhi Na Tha Ab K Jo Tanha Guzri,
Wo Qayamat Hi Ghaneemat Thi Jo Yakja Guzri,
Aa Galay Tujh Ko Laga Loon Mere Piyare Dushman,
Ik Meri Baat Nahi, Tujh Pay Bhi Kya Kya Guzri,
Main To Sehra K Tapish, Tishna Labi Bhool Gaya,
Jo Mere Hum_Nafson Pay Lab_e_Dariya Guzri,
Aaj Kya Dekh K Bhar Aai Hain Aankhein Teri,
Hum Pay Ay Dost Ye Saa'at To Humesh Guzri,
Meri Tanha Safri Mera Muqaddar Thi Faraz,
Warna Is Sheher_e_Tamanna Say To Duniya Guzri ...
Poet : Ahmed Faraz
Contribute : Zahid Shah
No comments:
Post a Comment