Ek Yehi Roshni Imkaan Mei Hay

Ek Yehi Roshni Imkaan Mei Hay
Tuu Abhi Tak Dil-e-Veeran Mei Hay

Shor Barpa Hay Teri Yaadon Ka
Ronaq-e-Hijar Bayabaan Mei Hay

Pyaar Aur Zindagi Se Lagta Hay
Koi Zinda Dil-e-Be-Jaan Mei Hay

Aaj Bhi Terey Badan Ki Khushbuu
Terey Bhejay Howay Guldaan Mei Hay

Zindagi Bhi Hay Meri Aankhon Mei
Mout Bhee Deeda-e-Hayraan Mei Hay

Dil Abhi Niklaa Nahi Seenay Se
Ek Qaidi Abhi Zindaan Mei Hay