Irada Jo Bhi Karta Hoon

Irada Jo Bhi Karta Hoon
Bil Aakhir Torr Deta Hoon

Mai Apne Aap Ko Mushkil Me
Tanha Chorr Deta Hoon

Hunar Ab Aa Gaya Mujh Ko
Wafaon Ke Parakhney Ka

Dikhaway Ki Har Ek Chahat
Mai Wapis Morr Deta Hoon

Najaney Zid Hay Ye Kesi
Ana Me or Mohabbat Mein

Talluq Torrta Hay Wo
Main Phir Se Jorr Deta Hoon

Wo Lamhay Uski Qurbat Ke
Mujhe Jab Yaad Aatay Hain

Phir Apne Sabar Ka Daman
Bhi Aksar Chorr Deta Hoon

Ulajhti Hay Kahani Jab
Wafaon or Jafaon Ki

Kamal e Zabt Se Us Ko
Naya Ek Morr Deta Hoon!