Is Baar Dil Ne Tujh Say Na Milnay Ki Thani Hay

Is Baar Dil Ne Tujh Say Na Milnay Ki Thani Hay
Per Main Nay Kub Kisi Ki Koi Baat Maani Hay

Ik Subha Tere Sath Nikalna Hay Raat Say
Ik Shaam Tere Sath Kisi Din Manani Hay

Ik Bhaid Kholna Hay Mujhy Tere Roo-Ba-Roo
Ik Baat Hay Jo MaiN Nay Tujhi ko Batani Hay

Mujh Ko Bhi Taaray Torr Lanay Ka Hay Junoo'n
Main Nay Bhi Aasmaan Ki Buhat Khaak Chaani Hay

Us K Liye Bhi Shaher Basanaa Hay Ik Mujhe
Apnay Liye Bhi Ik Nai Duniya Banani Hay

Jo Kuch Main Likh Raha Hun, Woh RoDaad Hay Meri
Tum Perh Sako Tou Phir Ye Tumhari Kahani Hay

Kahta Hay Koi Aa, Issay Phir Say Likhain Saleem
Woh Daastaan-e-IshQ Buhat Hi Purani Hay