Kitne din beet gaye hain dekho toh sahi,

Kitne din beet gaye hain dekho toh sahi,
Kitne chiragh bujh gaye hani dekho toh sahi.

Mausam bahaar ka phir tanha guzar gaya,
Khizaan ek bar phir aagayi hai dekho toh sahi.

Kitni chahat se likhti thi mein naam tumhara,
Woh qalam hi tod diya hai zara dekho toh sahi.

Itni asaani say toh milti nahi nafrat bhi lekin,
Tumne hasil shuda pyaar thukra diya dekho toh sahi.

Anchal mein apne chupaye thay moti bohat,
Ab ke zabt tutne se saylab rava'n hai dekho toh sahi.

Ana rokti hai mujhay har bar jhuknay se magar,
Kitni bar tumne jhukaya hai dekho toh sahi.

Faqeer ban kar tere kuchay mein aakar nasir,
Kitni aas se dekhte hain tumhain dekho toh sahi....