Main Apni Har Tamana ZindaGi Se Haar Baitha Hoon,,
Magar Ik Aur Baazi Ke Liye Tayyaar Baitha Hoon,,
Jise Dekho Wahi Masroof-E-Karobar-E-Duniya Hai,,
Meri Masroofiyat Dekho Ke Main Bekaar Baitha Hoon,,
Meri Aankhon Ko Khwabon Ne Saza Kis Jurm Ki Di Hai,,
Ke Duniya So Rahi Hai Aur Main Bedaar Baitha Hoon,,
Mere Purkhon Ki Cheekhen Goonji Hain Mere Kaanon Mein,,
Main Haathon Mein Liye Raundi Hui Dastaar Baitha Hoon,,
Mujhe Ay 'Shaad' Apne Dushmanon Se Dar Nahin Lagta,,
Main Apne Aap Se Khud Bar Sar-E-Paikar Baitha Hoon,,
(Khushbir Singh Shaad)
No comments:
Post a Comment