Subak Raftaar Lamhon Ki Hadein Tarteeb Deta Hoon

Subak Raftaar Lamhon Ki
Hadein Tarteeb Deta Hoon
Sehar Ki Saans Ginta Hoon
Shabein Tarteeb Deta Hoon
Mai Aab e Zarr Se Likhta Hoon
Usi Ka Naam Shairon Mei
Sunehrey Lafz Bunta Hoon
Unhen Tarteeb Deta Hoon
Usey Sochoon To Pehlu Se
Sarak Jata Hai Dil Mera
Mai Dil Pe Haath Rakh Kr
Dharkanein Tarteeb Deta Hoon
Mere Logon Ki Fitrat Mei
Ye Ziddi Wasf Shaamil Hai
Wohi Mujh Ko Mitaate Hain
Jinhen Tarteeb Deta Hoon!