Khuda wo waqt na laye k sogawaar ho Tu,
sukoon ki neend tujhe bhi haram ho jaye,
teri masarrat-e-paiham tamaam ho jaye,
teri hayaat tujhe talkh jaam ho jaye,
ghamon sey Aaeena-e-dil gudaaz ho tera,
Hajoom-e-yaas sey bey_taab ho k rah jaye
wafur-e-dard sey seemaab ho k rah jaye,
tera shabab faqat khwaab ho k rah jaye,
garoor-e-husn sarapa niyaz ho tera,
taweel raaton main tu bhi qarar ko tarsey,
teri nigah kisi gham_gusaar ki tarah,
khizaan raseeda tamanna bahaar ko tarsey,
koi jabeen na tere sang-e-Aastaan pey jhukey,
k jins-e-ijz-o-aqeedat sey tujh ko shaad karey,
fareb-e-wada-e-farda pey Aitemaad karey,
Khuda wo waqt na laye k tujh ko yaad aaye wo,
dil tere liye be-qarar ab bhi hai,
wo aankh jis ko tera intezaar ab bhi hai !
(Faiz Ahmed Faiz)
No comments:
Post a Comment