Har Dard Pehn Lena, Har Khwaab Mein Kho Jana,

Har Dard Pehn Lena, Har Khwaab Mein Kho Jana,

Kya Apni Tabiyyat Hai, Har Shakhs Ka Ho Jana,

Ek Sheher Basa Lena, Bichray Huay Logon Ka,

Phir Shab K Jazeeron Mein, Dil Tham K So Jana,

Mouzu_e_Sukhan Kuch Ho, Ta Dair Usy Takna,

Har Lafz Pey Ruk Jana, Har Baat Pey Kho Jana,

Aana To Bikher Jana, Saanson Mein Mehek Ban Kar,

Jana to Kalejay Mein, Kaantay Sey Chubho Jana,

Jaatay Huay chup rehna, In Bolti Aankhon Ka, "Qateel"

Khamosh Takallum Sey, Palkon Ka Bhigo Jana..

Poet: Qateel Shifai
Contribute: Zahid Shah