Jaanay Ab Kis Dais Milain Ge Unchi Zaaton Waalay Log ?

Jaanay Ab Kis Dais Milain Ge Unchi Zaaton Waalay Log ?
Naik Nigahon, Sache Jazbon Ki Saugaaton Waalay Log,
Pyaas Ke Sehraaon Mein Dhoop Pehen Kar Paltay Banjaaro,
Palkon Oat Talaash Karo, Bojhal Barsaaton Waalay Log,
Waqt Ki Urrti Dhool Mein Apne Naqsh Ganwae Phirte Hain,
Rim Jhim Subhon, Roshan Shaamon,Resham Raaton Waalay Log,
Aik Bhikaarun Dhoond Rahi Thi Raat Ko Jhoote Chehron Mein,
Ujle Lafzon, Sachi Baaton Ki Khairaaton Waalay Log,
Aanay Waali Rog Ruton Ka Pursa Dain Har Larki Ko,
Shehnaai Ka Dard Samajh Lein Gar Baaraton Waalay Log,
Pathar Kootne Waalon Ko Bhi Sheeshe Jaisi Saans Milay !!
"Mohsin" Roz Duaaen Maangain Zakhmi Haathon Waalay Log ...

Contributed : Zahid Shah
www.zahid-shah.blogspot.com/