Jab Koi Kali Sehen_e_Gulistaan Mein Khili Hai,
Shabnam Meri Aankho'n Mein Waheen Ter Gai Hai,
Jis Ki Sar Aflaak Bari Dhoom Machi Hai,
Aashafta_Siri Hai, Meri Aashafta_Siri Hai,
Apni To Ujaalon Ko Tarasti Hein Nigaahein,
Sooraj Kahaan Nikla Hai, Kahaan Subha Hui Hai,
Bichrri Hui Raahon Say Jo Guzray Hein Hum Kabhi,
Har Gaam Pay Koi Hui Ik Yaad Mili Hai,
Ik Umer Sunaa'ein To Hakaayat Na Ho Poori,
Do Roz Mein Hum Par Jo Yahaan Beet Gai Hai,
Hansnay Pay Na Majboor Karo, Log Hansein Gay,
Haalaat Ki Tafseer To Chehray Pay Likhi Hai,
Mil Jayein Kaheen Wo Bhi, To Un Ko Bhi Sunaa'ein,
Jab Jin K Liye Ye Ghazal Hum Nay Kehi Hai ...!
Poet : Habib Jalib
Contribute: Zahid Shah
www.zahid-shah.blogspot.com/
No comments:
Post a Comment