Saare Lehje Tere, Be-Zubaan Ik Main,

Saaray Lehjay Tere, Be_Zubaan Ik Main,
Is Bharay Sheher Mein, Raigaan Ik Main,

Wisal K Sheher Ki Roshni Ik Tu,
Hijr K Dasht Mein Karwaan Ik Main,

Bijliyon Say Bhari Baarishein Zor Par,
Apni Basti Mein Kachcha Makaan Ik Main,

Mujh Ko Faarigh Dinon Ki Amaanat Samajh,
Bhooli Bisri Hui Daastaan Ik Main,

Ronaqein, Shor, Melay Jhamelay Tere,
Apni Tanhai Ki Raazdaan Ik Main,

Us Taraf Sang Bari Har Ik Baam Say,
Is Taraf Aainon Ki Dukaan Ik Main,

Wo Nahi Hai To Mohsin Ye Matt Samajhna,
Ab Bhatakta Phiroon Ga Kahaan Ik Main ....

Contribute: Zahid Shah