Tu Kisi Aur Ki Jageer Hai Ay Jaan -E- Ghazal,

Tu Kisi Aur Ki Jageer Hai Ay Jaan-E-Ghazal,
Log Tufaan Utha Dein Gay Mere Saath Na Chal,
Pehley Haq Tha Teri Chahat K Chaman Par Mera,
Pehley Haq Tha Teri Khushbu-E-Badan Par Mera,
Ab Mera Pyaar Tere Pyaar Ka Haqdaar Nahi,
Main Tere Gesu-O-Rukhsar Ka Haqdaar Nahi,
Ab Kisi Aur K Shano'n Pay Hai Tera Aanchal,
Log Tufaan Utha Dein Gay Mere Saath Na Chal,
Main Tere Pyaar Se Ghar Apna Basaoon Kesay,
Main Teri Maang Sitaaron Se Sajaoon Kesay,
Meri Kismat Mein Nahi Pyaar Ki Khushboo Shayad,
Mere Haathon Ki Lakeeron Mein Nahi Tu Shayad,
Apni Taqdeer Bana Mera Muqaddar Na Badal,
Log Tufaan Utha Dein Gay Mere Saath Na Chal,
Mujh se Kehti Hain Ye Khamosh Nigahein,
Teri Meri Parwaz Se Oonchi Hain Panahein,
Teri Aur Gairat-E-Ehsaas Pe Sharminda Hun,
Ab Kisi Aur Ki Baaho'n Mein Hain Bahein Teri,
Ab Kahan Mera Thikana Hai Kahan Tera Mahal,
Log Tufaan Utha Dein Gay Mere Saath Na Chal ...