Wafa Main Ab Ye Hunar Ikhtiyar Karna Hai,

Wafa Main Ab Ye Hunar Ikhtiyar Krna Hai,

Wo Sach Kahay Na Kahay Aitbar Krna Hai,

Ye Tujhe Jaagte Rehne Ka Shouq Kab Se Hua,

Mujhe To Khair Tera Intazaar Krna Hai,

Wo Muskura Ke Naye Waswason Main Daal Gaya,

Khayal Tha Ye Usay Sharamsar Krna Hai,

Tere Firaaq Main Din Kis Tarha Katain Apne,

Ke Shughal e Shab To Sitaray Shumar Krna Hai,

KHUDA Janay Ye Koi Zid Ke Shouq Hai Mohsin,

Khud Apni Jaan Ke Dushman Se Pyar Krna Hai ...