Ab Junoon Kab Kisi K Bas Mein Hai,

Ab Junoon Kab Kisi K Bas Mein Hai,
Us Ki Khushbu Nafs Nafs Mein Hai,

Haal Us Said Ka Sunaiye Kya,
Jis Ka Sayaad Khud Qafas Mein Hai,

Kya Hai Gar Zindagi Ka Bas Na Chala,
Zindagi Kab Kisi K Bas Mein Hai,

Ghair Say Rehiyo, To Zara Hoshiyaar,
Wo Tere Jism Ki Hawas Mein Hai,

Paa-Shikasta Para Hua Hoon Magar,
Dil Kisi Naghma-e-Jars Mein Hai,

'Jaun' Hum Sab Ki Dastras Mein Hai,
Wo Bhala Kis Ki Dastras Mein Hai ...

Poet : Jaun Elia
Contribute : Zahid Shah