Dil Nay Wafa Ke Naam Par Kaar-E-Wafa Nahi Kiya,

Dil Nay Wafa Ke Naam Par Kaar-E-Wafa Nahi Kiya,

Khud Ko Halaak Kar Liyaa Khud Ko Fidaa Nahi Kiya,

Kaise Kehein K Tujh Ko Bhi Hum Se Hai Waasta Koi,

Tu Ne To Hum Se Aaj Tak Koi Gilaa Nahi Kiya,

Tu Bhi Kisi K Baab Mein Ahad-Shikan Ho Gaaliban,

Main Ne Bhi Ek Shakhs Ka Qarz Adaa Nahi Kiya,

Jo Bhi Ho Tum Pe Mautariz Us Ko Yahi Jawaab Do,

Aap Bahot Shareef Hain Aap Ne Kya Nahi Kiya,

Jis Ko Bhi Sheikh-O-Shaah Ne Hukm-E-Khuda Diya Qaraar,

Hum Ne Nahi Kiya Wo Kaam Haan Baa-Khuda Nahi Kiya,

Nisbat-E-Ilm Hai Bahot Haakim-E-Waqt Ko Aziz,

Us Ne To Kaar-E-Jehl Bhi Be-Ulaamaa Nahi Kiya ...

Poet : Jaun Elia
Contribute : Zahid Shah