Khud Say Hum Ik Nafas Hile Bhi Kahan,

Khud Say Hum Ik Nafas Hile Bhi Kahan,
Us Ko Dhoondein To Vo Mile Bhii Kahan,

Khemaa-Khemaa Guzaar Lain Ye,
Shab Subah-Dam Ye Qaafile Bhi Kahan,

Ab Ta'mul Na Kar Dil-E-Khud_Kaam
Rooth Le Phir Ye SilSile Bhi Kahan,

Aao Aapas Main Kuch Gile Kar Lain,
Warna Yoon Hai Ke Phir Gile Bhi Kahan,

Khush Ho Seene Ki In Kharaashon Par,
Phir Tanaffus Ke Ye Sile Bhi Kahan ...

Poet : Jaun Elia
Contribute : Zahid Shah