Maskan-e-Maah-o-Saal Chhor Gaya,

Maskan-e-Maah-o-Saal Chhor Gaya,
Dil Ko Us Ka Khayal Chhor Gaya,

Taaza-Dam Jism-o-Jaan The Furqat Mein,
Wasl Us Ka Nidhaal Chhor Gaya,

Ehad-e-Maazi Jo Tha Ajab Pur-Haal,
Aik Veeraan Haal Chhor Gaya,

Zaala-Baari Ke Marhalon Ka Safar,
Qaafile Paimaal Chhor Gaya,

Dil Ko Ab Ye Bhi Yaad Ho Ke Na Ho,
Kaun Tha, Kya Malaal Chhor Gaya,

Main Bhi Ab Khud Se Hoon Jawab-Talab,
Wo Mujhe Be-Sawal Chhor Gaya ...

Poet : Jaun Elia
Contribute: Zahid Shah