Bhooli Hui sadaa hoon mujhe yaad kijiye

Bhooli Hui sadaa hoon mujhe yaad kijiye

Tum say kaheen milaa hoon mujhe yaad kijiye

Manzil nahi hoon, Khizr nahi, Raahzan nahi,

Manzil ka Raastaa hoon mujhe yaad kijiye

Meri Nigaah-e-shouq say har Gull hai devtaa

Main ishq kaa Khuda hoon mujhe yaad kijiye

Naghmon ki ibtedaa thi kabhi Mere naam say,

Ashkon ki intehaa hoon mujhe yaad kijiye,

Gum-sum kharri hain dono'n Jahaan ki haqeeqatein

Main un say keh rahaa hoon mujhe yaad kijiye

"Sagar" kisi k husn-e-taghaaful shaar ki

Behki hui adaa hoon mujhe yaad kijiye ...

Poet : Sagar Siddiqui
Contribute : Zahid Shah