Main Mar Mita To Woh Samjha Ye Inteha Thi Meri,

Main Mar Mita To Woh Samjha Ye Inteha Thi Meri,

Usay Khabar Hi Na Thi, Khaak Keemiya Thi Meri,

Main Chup Huwa To Woh Samjha Ke Baat Khatam Hui,

Phir Uss Ke Baad To Aawaaz Jaa-Baja Thi Meri,

Jo Taana-Zan Tha Meri Purshish-E-Dareedah Par,

Usi Ke Dosh Pe Rakhkhi Huwi Quba Thi Meri,

Main Uss Ko Yaad Karoon Bhi To Yaad Aata Nahi,

Main Uss Ko Bhool Gaya Hoon Yahi Saza Thi Meri,

Shikast De Gaya Apna Ghuroor Hi Uss Ko,

Wagarna Uss Ke Muqaabil Bisaat Kya Thi Meri,

Kaheen Dimagh Kaheen Dil Kaheen Badan Hi Badan,

Har Ek Se Dosti Yaari Judaa Judaa Thi Meri,

Main Uss Ko Dekta Rahta Tha Hairaton Se 'Faraz',

Ye Zindagi Se Ta'aruff Ki Ibtedaa Thi Meri ...

Poet : Ahmed Faraz
Contribute: Zahid Shah