Shikway K Naam Se Bemehar Khafa Hota Hai,

Shikway K Naam Se Bemehar Khafa Hota Hai,

Ye Bhi Mat Kah Ke Jo Kahiye To Gila Hota Hai,

Pur Hoon Main Shikve Se Yun Raag Se Jaise Baaja,

Ik Zara Chheriye Phir Dekhiye Kya Hota Hai,

Go Samajhta Nahi Par Husn-Talaafi Dekho,

Shikwa-E-Jaur Se Sar-Garm-E-Jafa Hota Hai,

Ishq Ki Raah Mein Hai Charkh-E-Makaukab Ki Wo Chaal

Sust-Rau Jaise Koi Aablaapa Hota Hai,

Kiyun Na Thahare Hadaf-E-Naavak-E-Bedaad Ke Hum,

Aap Utha Laate Hain Gar Teer Khata Hota Hai,

Khoob Tha, Pehle Se Hote Jo Hum Apne Bad-Khwaah,

Ke Bhala Chaahte Han Aur Bura Hota Hai,

Naala Jaata Tha Pare Arsh Se Mera Aur Ab,

Lab Tak Aata Hai, Jo Aisa Hi Rasaa Hota Hai ...

Poet : Mirza Ghalib
Contribute: Zahid Shah