Us Bazm Mein Mujhe Nahi Banti Haya Kiye,

Us Bazm Mein Mujhe Nahi Banti Haya Kiye,

Baitha Raha Agarche Ishaare Hua Kiye,

Dil Hi To Hai Siyasat-E-Darbaan Se Dar Gaya,

Main Aur Jaaon Dar Se Tere Bin Sadaa Kiye,

Rakhta Phirun Hoon Khirqa-O-Sajjada Rahan-E-May,

Muddat Hui Hai Daawat-E-Aab-O-Hawa Kiye,

Besarfa Hi Guzarti Hai, Ho Garche Umar-E-Khizar,

Hazrat Bhi Kal Kahein Ge K Hum Kya Kiya Kiye,

Maqdoor Ho To Khaak Se Puchoon Ke Ay Laim,

Tu Ne Wo Ganj Haaye Giraan Maaya Kya Kiye,

Kis Roz Tohmatein Na Taraasha Kiye Adu,

Kis Din Hamaare Sar Pe Na Aare Chalaa Kiye,

Sohbat Main Gair Ki Na Padi Ho Kaheen Ye Khoo,

Dene Laga Hai Bose Bagair Iltija Kiye,

Zid Ki Hai Aur Baat Magar Khu Buri Nahi,

Bhule Se Us Ne Saikadon Vaade-Wafa Kiye,

'Ghalib' Tumhin Kaho Ki Mile Ga Jawaab Kya,

Maana Ki Tum Kaha Kiye Aur Wo Suna Kiye ...

Poet - Mirza Ghalib
Contribute: Zahid Shah