پہلی بار بنجارن آئی
خوشیوں کی لئے کھاری
ہونٹ عنابی باتیں شرابی
کھاری اس کی بھاری
ایک خوشی تو میں نہیں دونگی
لیتی ہو لو ساری
دو جی بار بنجارن آئی
کھاری آن اتاری
آدھی خوشیاں آدھی غم
ملی جلی تھی کھاری
خوشیاں دے جا غمیاں لے جا
نا ممکن میں واری
تیجی بار بنجارن آئی
سر پر بوجھا بھاری
جی گھایلا ور چپ چپ چہرا
کھاری نہ جائے اتاری
آگے بڑھ کر آ خر میں نے
سر پہ لے لی ساری
بھاری سی وہ کھاری
ابن انشاء
No comments:
Post a Comment