Tumhare Zehan Mein Jaana,
Ye Kaisay Aa Gayi Sochein ?
K Tum Ko Chhor Doon Ga Main,
Mohabbat Tor Doon Ga Main,
Nahi Shayed Pata Ho Tum Ko,
K Marzi Say Bhala Jaana,
Mohabbat Chhoot'ti Kab Hai ?
Mohabbat Toot'ti Kab Hai ?
Agar Na Ho Yaqeen Phir Bhi,
To Naqsh-e-Be_Yaqeeni Ko,
Mitaanay K Liye Jaana,
Main Phir Iqraar Karta Hoon,
K Meri Zaat Ko Tum Say,
Faqat Tum Say Mohabbat Thi,
Faqat Tum Say Mohabbat Hai,
Mohabbat Ki Qasam Mujh Ko,
Ke Jab Tak Saans Jaari Hai,
Ke Jab Tak Dil Dharakta Hai,
Ragon Mein Khoon Chalta Hai,
Mohabbat Tum Say Hi Ho Gi,
Mohabbat Tum Say Hi Ho Gi ...
www.zahid-shah.blogspot.com/
No comments:
Post a Comment