Wo Mere Paas Hai Kya Pas Bulaun Us Ko

Wo Mere Paas Hai Kya Pas Bulaun Us Ko
Dil Mein Rehta Hai, Kahan Dhoondnay Jaun Us Ko
Aaj Phir Pehli Mulaqaat Se Aaghaaz Karoon,
Aaj Phir Door Say Hi Dekh K Aaoon Us Ko
Qaid Ker Loon Usay Aankhon K Nihan Khanon Mein,
Chahta Hoon K Kisi Say Na Milaoon Us Ko
Usay Duniya Ki Nigahon Se Karoon Main Mehfooz
Wo Wahan Ho, K Jahan Dekh Na Paon Us Ko
Chalna Chahay To Rakhay Paaon Mere Seenay Per,
Baithna Chahay To Aankhon Pay Bithaoon Us Ko
Wo Mujhe Itna Subuk, Itna Subuk Lagta Hai,
Kabhi Gir Jaye To Palkon Say Uthaoon Us Ko,
Yaad Say Us Ki Nahi Khali Koi Bhi Lamha
Phir Bhi Darta Hoon Kaheen Bhool Na Jaon Us Ko,
Aaj To Dhoop Mein Tezi Hi Bohat Hai Warna,
Apne Saaye Say Bhi Shahzad Bachaon Us Ko ...

Poet: Shehzad Ahmed Shehzad
www.zahid-shah.blogspot.com/