Saltanat Dil Mein Hi Nahi Us Ki,
Aasmaan Tak Hai Sar-Zameen Us Ki,
Phir Pahaaron Pay Barf Pighli Hai,
Phir Damaknay Lagi Jabeen Us Ki,
Dehaan Rakhna Har Ik Aahat Par,
Shaayad Ubhray Sadaa Kaheen Us Ki,
Ab Bhi Roshan Hai Zindagi Us Say,
Ab Bhi Soorat Hai Dil-Nasheen Us Ki,
Hijr Ki Rut Azaab Hai Mohsin,
Aadatain Sab Badal Gayin Us Ki ...
Contributed : Zahid Shah
www.zahid-shah.blogspot.com/
No comments:
Post a Comment