Zulm Seh Kar Bhi Samjhta Hoon K Tu Mera Hai
Mere dushman tere chehre pay lahu mera hai
Subha dam shehar ki shorish tere dam say ho gi
Raat k pichlay pehar aalam hoo mera hai
Mere hathon main chupe zakham say pehchan mujhe
Tere daman pay bhi Ahsaan rafoo mera hai
Ghir gaya hon main talatum main bhi zindaan ki tarah
Halka-e-mauj rawaan tauq-e-gulo mera hai
Itni shohrat bhi kahan chahi thi khud say main nay
Apne hi shehar ka har shaks adu mera hai
Dhoop chaaon ki ye rut dil main tehar janay day
Aks tera hai to saaya lab joo mera hai
Patharon se muhabbat mujhe yun bhi hai Mohsin
Sangdil shehar main ik aaeena ru mera hai ...
No comments:
Post a Comment