Bohat Dekhe Hain Main Ne Mashriq-o-Maghrib Ke May Khane

Bohat Dekhe Hain Main Ne Mashriq-o-Maghrib Ke May Khane

Yahan Saqi Nahin Payda, Wahan Be-Zauq Hai Sehba

Na Iran Main Rahe Baqi, Na Tooran Mein Rahe Baqi

Woh Banday Faqr Tha Jin Ka Halaak-e-Qaisar-o-Kasra

Yehi Sheikh-e-Haram Hai Jo Chura Kar Baich Khata Hai

Galeem-e-Bu Zar (R.A.)-o-Dalaq-e-Awais (R.A)-o-Chadar-e-Zahra (R.A.)

Huzoor-e-Haq Mein Israfeel Ne Meri Shikayat Ki

Ye Banda Waqt Se Pehle Qayamat Kar Na De Barpa

Nida Ayi Ke Ashob-e-Qayamat Se Ye Kya Kam Hai

'Garaftah Cheeniyan Ahram-o-Makki Khufta Dar Batha'

Labalab Sheesha-e-Tehzeeb-e-Hazir Hai Ma-LA'Se

Magar Saqi Ke Hathon Mein Nahin Paymana’ay 'ILLAH'

Daba Rakha Hai Uss Ko Zakhmawer Ki Taiz Dasti Ne

Bohat Neeche Suron Mein Hai Abhi Yourap Ka Wavela

Issi Darya Se Uthti Hai Woh Mouj-e-Tund Joulan Bhi

Nehnangon Ke Nasheman Jis Se Hote Hain Teh-o-Bala ...

Poet : Allama Iqbal
Contribute: Zahid Shah
www.zahid-shah.blogspot.com/