Dafan Karna Mujhe Dastaar Samait ...

Qadar-e-Johar Hai Jo Pindaar Samait,

Mujhko Parkho Mere Mayaar Samait,

Roz Maangain Ye Dua Khaana-Badosh,

Ghar Na Ujray Dar-o-Deewaar Samait,

Kitni Banjar Howi Fasl-e-Aawaaz,

Sheher Chup Chaap Hai Baazaar Samait,

Kaash Loogon Ki Tarah Soye Chaman,

Hum Bhee Jaayein Kabhi Dildaar Samait,

Kon Karta Qad-o-Qaamat Ka Hisaab,

Ik Qayaamat Tha Wo Raftaar Samait,

Jin Ki Haibat Se Hiraasan Lashkar,

Be-Nishaan Ab Hain Wo Talwaar Samait,

Bujh Jaayein Kaheen Aankhain Meri,

Yaad Aa , Mashal-e-Rukhsaar Samait,

Khaak Urti Howi Sadiyon Se Udhar,

Qaaflay Guum Howay Saalaar Samait,

Hawas-e-Darham-Dinaar Ki Khair,

Loog Biknay Lagay Kirdaar Samait,

Mein K MOHSIN Hun Shaheed-e-Naamoos,

Dafan Karna Mujhe Dastaar Samait ...

Poet : Mohsin Naqvi
Contribute: Zahid Shah
www.zahid-shah.blogspot.com/