Ibteda e Ishq Hai Rota Hai Kya

Ibtedaa-e-Ishq Hai Rota Hai Kya
Aagay aagay dekhiye hota hai kya.
Qaafilay mein subah k ik shor hai,
Yaani ghafil hum chalay sota hai kya.
Sabz hoti hi nahi ye sar_zameen,
Tukhm-e-khwahish dil mein tu bota hai kya.
Ye nishaan-e-ishq hain jatay nahi,
Daagh chhati k abas dhota hai kya.
Ghairat-e-Yousaf hai yeh waqt-e-aziz,
Mir is ko raigaan khota hai kya.

Poet : Mir Taqi Mir
Contribute : Zahid Shah