In Response To The Request For Writing A Poem On Eid ....

Ya Shalamaar Mein Ek Barg-e-Zard Kehta Tha

Gaya Woh Mousam-e-Gul Jis Ka Raazdaar Hun Main

Na Paimaal Karain Mujh Ko Zaeeran-e-Chaman

Inhi Ki Shakh Nasheman Ki Yadgar Hun Main

Zara Se Patte Ne Betaab Kar Diya Dil Ko

Chaman Mein Aa Ke Sarapa Gham-e-Bahar Hun Main

Khazan Main Mujh Ko Rulati Hai Yad-e-Fasl-e-Bahar

Khushi Ho Eid Ki Kyunkar Ke Sougwar Hun Main

Ujaar Ho Gye Ehd-e-Kuhan Ke Maikhane

Guzishta Badah Praston Ki Yaadgar Hun Main

Payam-e-Aysh-o-Massarat Humain Sunata Hai

Hilal-e-Eid Humari Hansi Urata Hai ...

Poet : Allama Iqbal
Contribute: Zahid Shah
www.zahid-shah.blogspot.com/