Junoon Mein Shauq Ki Gehraaiyon Say Darta Raha,

Junoon Mein Shauq Ki Gehraaiyon Say Darta Raha,
Main Apni Zaat Ki Sachaaiyon Say Darta Raha,

Mohabbaton Say Shanaasa Hua Main Jis Din Say,
Phir Us K Baad Shanasaaiyon Say Darta Raha,

Wo Chahta Tha K Tanha Miloon To Baat Karay,
Main Kya Karoon K Main Tanhaiyon Say Darta Raha,

Main Raig-zaar Tha Mujh Mein Basay Thay Sannaatay,
Isi Liye To Main Shehnaaiyon Say Darta Raha,

Main Apne Baap Ka Yousuf Tha Is Liye MOHSIN,
Sakoon Say So Na Saka, Bhaaiyon Say Darta Raha ...

Poet : Mohsin Naqvi
www.zahid-shah.blogspot.com/