Khuwaab Marte Nahi
Khuwaab Dil Hain Na Ankhein Na Sansein Ke Jo
Reza-Reza Hue To Bikhar Jayenge
Jism Ki Maut Se Ye Bhi Mar Jayenge
Khwab Marte Nahi
Khuwaab Tou Roshni Hain, Nava Hain, Hava Hain
Jo Kale Pahron Se Rukte Nahin
Zulm Ke Dozakhon Se Bhi Phukte Nahin
Roshni Aur Nava Aur Hava K Aalam
Maqtalon Main Pahunch Kar Bhi Jhukte Nahi
Khuwaab To Harf Hain
Khuwaab To Nur Hain
Khuwaab To Suqrat Hain
Khuwaab Mansur Hain ...
Poet : Ahmed Faraz
Contributed : Zahid Shah
www.zahid-shah.blogspot.com/
No comments:
Post a Comment