Hum kahaN aur tum kahaN jaanaaN

Hum kahaN aur tum kahaN jaanaaN
HaiN kayi hijr darmiyaN jaanaaN

RaigaaN wasl meiN bhi waqt hua
Par hua khoob raigaaN jaanaaN

Mere ander hi tu kaheeN gum hai
Kis se poochhuN tera nishaaN jaanaaN

Aalam E be-karaN meiN rang hai tu
Tujh meiN ThehrooN kahaN kahaN jaanaaN

Roshni bhar gayi nigaahoN meiN
Ho gaye khaab be-amaN jaanaaN

Ab bhi jheeloN meiN aks partay haiN
Ab bhi neela hai aasmaN jaanaaN ...

Poet : Jaun Elia
Contribute: Zahid Shah