ہم کہاں اور تم کہاں جاناں

ہم کہاں اور تم کہاں جاناں

ہیں کئی ہجر درمیاں جاناں

رائیگاں وصل میں بھی وقت ہوا

پر ہوا خوب رائیگاں جاناں

میرے اندر ہی تو کہیں گم ھے

کس سے پوچھوں ترا نشاں جاناں

عالم بیکراں میں رنگ ھے تو

تجھ میں ٹھہروں کہاں کہاں جاناں

روشنی بھر گئی نگاہوں میں

ہو گئے خواب بے اماں جاناں

اب بھی جھیلوں میں عکس پڑتے ہیں

اب بھی ھے نیلا آسماں جاناں

ھے جو پر خوں تمہارا عکس خیال

زخم آئے کہاں کہاں جاناں‎ ‎...