Baat Karni Mujhe Itni Mushkil Kabhi Aisi To Na Thi,

Baat Karni Mujhe Itni Mushkil Kabhi Aisi To Na Thi,

Jaisi Ab Hai Teri Mehfil Kabhi Aisi To Na Thi,

Lay Gaya Chheen Kay Kon Aaj Tera Sabar Va Qarar,

Be-Qarari Tujhe Ay Dil Kabhi Aisi To Na Thi,

Teri Aankhon Ne Khuda Janay, Kya Kiya Jadoo,

Kay Tabiyat Meri Maa'il Kabhi Aisi To Na Thi,

Aks Rukhsaar Ne Kis Kay Liye Chamkaya Tujhe,

Taab Tujh Mein Mah-E-Kaamil Kabhi Aisi To Na Thi,

Kya Sabab Tu Jo Bigharta Hai Zafar Se Har Baar,

Khhoo Teri Hoor Shumaa'il Kabhi Aisi To Na Thi ...

Poet : Bahadur Shah Zafar
Contribute: Zahid Shah