Kathin Hai Rah-Guzar Thori Door Saath Chalo,

Kathin Hai Raah_Guzar Thori Door Saath Chalo,
Bohat Barra Hai Safar Thori Door Saath Chaalo,

Tamaam Umar Kahaan Koi Saath Deta Hai,
Main Jaanta Hoon Magar Thori Door Saath Chalo,

Nashey Main Choor Hoon Main Bhi Tumhein Bhi Hosh Nahi,
Barraa Maza Ho Agar Thori Door Saath Chalo,

Ye Ek Shab Ki Mulaaqaat Bhi Ghaneemat Hai,
Kisey Hai Kal Ki Khabar Thori Door Saath Chalo,

Abhi To Jaag Rahey Hain Chiraag Raahon K,
Abhi Hai Door Sahar Thori Door Saath Chalo,

Tawaaf-E-Manzil-E-Jaana Humein Bhi Karna Hai 'Faraz',
Tum Bhi Agar Thori Door Saath Chalo !

Poet: Ahmed Faraz
Contribute: Zahid Shah