Us Ke Pehlu Se Lag Ke Chalte HaiN,

Us Ke Pehlu Se Lag Ke Chalte HaiN,
Hum KaheeN Taalnay Se Taltay HaiN,

MaiN Usi Tarha To Behalta HooN,
Aur Sab Jis Tarha Behaltay HaiN,

Wo Hai Jaan Ab Har Ik Mehfil Ki,
Hum Bhi Ab Ghar Se Kab Nikaltay HaiN,

Kya Takkalluf KareiN Ye Kehne MeiN,
Jo Bhi Khush Hai Hum Us Se Jaltay HaiN,

Hai Usay Door Ka Safar Dar-Pesh Hum,
Sambhaalay Nahi Sambhaltay HaiN,

Hai Azaab Faislay Ka Sehra Bhi,
Chal Na Parhiye To Paaon Jaltay HaiN,

Ho Raha HooN MaiN Kis Tarha Barbaad,
Dekhnay Walay Haath Maltay HaiN,

Tum Bano Rang, Tum Bano Khushbu,
Hum To Apne Sukhan MeiN Dhaltay HaiN ...

Poet : John Elia
Contribute : Zahid Shah