Kab Talak Shab Kay Andhairay Mein Sehar Ko Tarsay,

Kab Talak Shab Kay Andhairay Mein Sehar Ko Tarsay,

Wo Musafir Jo Bharay Shehar Mein Ghar Ko Tarsay,

Aankh Thehray Howay Paani Say Bhi Katraati Hai

Dil Wo Reh'roo Keh Samandar Kay Safar Ko Tarsay,

Mujh Ko Uss Qehat Kay Mosam Say Bacha Rub-E-Sukhan

Jab Koi Ehal-E-Hunar, Arz-E-Hunar Ko Tarsay,

Ab Kay Iss Toor Musalat Hua Andhaira Har Soo

Hijar Ke Raat Mairay Deeda-E-Tarr Ko Tarsay,

Umar Itni Tu Ataa Kar Mairay Fun Ko Khaliq,

Mera Dushman Mere Marnay Ki Khabar Ko Tarsay,

Us Ko Paa Kar Bhi Ussay Dhoond Rahi Hain Aankhain

Jaisay Paani Mein Koi Seep Gohar Ko Tarsay,

Na_Shanasai Kay Mousam Ka Asar Tu Dekho

Aaeena Khaal-O-Khad-E-Aania Gar Ko Tarsay,

Ek Dunia Hai Kay Basti Hai Teri Ankhoon Mein

Wo To Hum Thay Jo Teri Ik Nazar Ko Tarsay

Shoor-E-Sur'sar Mein Jo Sar Sabaz Rahi Hai Mohsin

Mousam-E-Gul Mein Wohi Shaakh Samar Ko Tarsay ...!

Contributed : Zahid Shah

www.zahid-shah.blogspot.com/

Mujrim Bhi Tha, Mohsin Bhi Mera Lagta Tha,

Mujrim Bhi Tha, Mohsin Bhi Mera Lagta Tha,

Dast-e-qatil bhi mujhe dast-e-hina lagta tha,

Aray dekhnay walay to usay dekhtay reh jatay thay,

Haan wo shakhs mohabbat ka khuda lagta tha,

kaanton bhari shaakh nazar aata tha kabhi,

Phool lagta tha kabhi baad-e-saba lagta tha,

Ab logon say poochta phirta hai mare ghar ka pata

Main jissay saaray zamaanay say bura lagta tha,

Us ki Baatein theen Riwayat say hat kar MOHSIN

Sab mein rehta tha magar sab say juda lagta tha ...

Contributed : Zahid Shah

www.zahid-shah.blogspot.com/

Yaad_e_Maazi Mein Jo Aankhon Ko Saza Di Jaye

Yaad_e_Maazi Mein Jo Aankhon Ko Saza Di Jaye,

Is say behtar hai k har baat bhula di jaye,

Jis say thori si bhi ummeed Zayada ho kabhi,

Aisi har shamma sar_e_shaam jala di jaye,

Hum nay apnon k Rawaiyyon say ye Mehsoos kiya,

dil k aangan main bhi deewaar utha di jaye,

Hum nay yaaron k bicharnay say ye seekha Mohsin,

apne dushman ko bhi jeenay ki dua di jaye ...

Ay Jazba-e-dil gar main chahoon

Ay Jazba-e-dil gar main chahoon

har cheez muqabil aa jaaye

manzil ke liye do gaam chaloon

aur samnay manzil aa jaaye

Aye dil ki Khalish chal yuonhi sahi

chalta to hoon unki mehfil mein

us waqt mujhe chaunka dena

jab rang pe mehfil aa jaaye

Aiye rahber-e-kamil chalne ko

tayaar to hoon par yaad rahe

us waqt mujhe bhathka dena

jab saamnay manzil aa jaaye

Haan yaad mujhe tum kar lena

awaz mujhe tum de lena

is rah-e-muhabbat mein koi

darpaish jo mushkil aa jaaye

Ab kiyun dhondoon woh chashm-e-karam

honay de sitam bala-e-sitam

main chahta hoon aye jazba-e-ghum

mushkil pas-e-mushkil aa jaaye

Iss jazb-e-dil ke baray mein

eik mashvara tum se leta hoon

us waqt mujhe kya lazim hai

jab tujh pe mera dil aa jaaye

Aye barq-e-tajalli kya tu ne

mujh ko bhi musa samjha hai

main toor nahi jo jal jaoon

jo chahay muqaabil aa jaaye ...

By: Behzad Lakhnawi

Contributed : Zahid Shah

Tere Badan Say Jo Chhu Kar Idhar Bhi Aata Hai,

Tere Badan Say Jo Chhu Kar Idhar Bhi Aata Hai,

Misl e rang wo jhonka nazar bhi aata hai,

Tamaam shab jahan jalta hai ik udaas diya,

Hawa ki raah mein ik aisa ghar bhi aata hai,

wo mujh ko toot k chahay ga , chhor jaye ga,

Mujhe khabar thi usay ye hunar bhi aata hai,

Ujaar Bann mein utarta hai ik jugnu bhi,

Hawa k saath koi hamsafar bhi aata hai,

Wafa ki kaun si manzil pay us nay chora tha,

K wo to yaad humain bhool kar bhi aata hai,

Jahan lahu k samandar ki hadd Thehrti hai,

Waheen jazeera laal-o-Gohar bhi aata hai,

Chalay jo Zikr farishton ki parsaayi ka,

To Zair-e-behes Muqaam-e-Bashar bhi aata hai,

Abhi sinaan ko sambhalay rahain adoo mere,

K in safon mein kaheen mera sar bhi aata hai,

kabhi kabhi mujhe milnay bulandiyon say koi,

shuwaa-e-subh ki soorat utar bhi ataa hai,

Issi liye main kisi shab na so saka mohsin,

wo maahtaab kabhi baam par bhi ataa hai ...

Contributed : Zahid Shah

Bichartay Waqt Say Ab Tak Main Youn Nahi Roya,

Bichartay Waqt Say Ab Tak Main Youn Nahi Roya,

Vo Keh Gaya Tha,Yehi Waqat Imtehan Ka Hai,

Ye Or Baat, K Adaalat Hai Be-Khabar Warna,

Tamam Sheher Main Charcha Mere Beyan Ka Hai,

Asar Dikha Na Saka Us K Dil Main Ashk Mera,

Ye Teer Bhi Kisi Tooti Hoi Kaman Ka Hai,

Bichar Bhi Jaye Magar Mujh Se Be-Khabar Bhi Rahay,

Ye Hosla Hi Kahan Mere Bad-Guman Ka Hai,

Qafas To Khair Muqadar Main Tha Magar Mohsin,

Hawa Main Shor Abhi Tak Meri Uran Ka Hai ...

DIL NAY TANHA JHAILI RAAT,

DIL NAY TANHA JHAILI RAAT,

HIJR KI RAAT, SAHAILI RAAT,

DIN WALAY KAB BOOJH SAKAY,

MUSHKIL SHAAM PAHAILI RAAT,

IK SAFHAY KI TASHREEHEIN,

CHAND, CHAKOR,CHANBAILI, RAAT,

DIN APNE HAR DARD KA DOST,

IS KI AIK SAHAILI RAAT,

IK SUNSAAN NAGAR HAR SAANS,

IK WEERAAN HAWAILI RAAT,

IS KA ROOP HAR KI DHOOP,

MERI SARD HATHAILI RAAT

IS KI AANKH SE CHALKAY SHAAM

US KI ZULF SE KHAILI RAAT

MOHSIN K ANJAAM K NAAM

HIJR KI NAII NAWAILI RAAT ...

Itni muddat baad milay ho,

Itni muddat baad milay ho,

Kin sochon main gum rehtay ho ?

Itne khayef kiyon rehtay ho ?

Har aahat say darr jaatay ho,

Taiz hawa nay mujh say poocha

Rait pay kya likhte rehtay ho ?

Kaash koi hum say bhi poochay,

Raat gaye tak kiyon jaagay ho ?

Main dariya say bhi darta hoon

Tum dariya say bhi gehray ho!

Kon si baat hai tum main aisi,

Itne achay kiyon lagtay ho ?

Peechay mur kar kyon dekha tha,

Patthar ban kar kya taktay ho ?

Jaao jeet ka jashan manaao !

Main jhoota hoon, tum suchay ho,

Apne sheher k sab logon say,

Meri khatir kiyon uljhay ho ?

kehnay ko rehtay ho dil mein !

Phir bhi kitnay door kharay ho,

Raat humain kuch yaad nahi tha

Raat bohot hi yaad aaye ho,

Hum say na poocho hijr k qissay,

Apni kaho ab tum kaisay ho ?

Mohsin tum badnaam bohat ho,

Jaisay ho, phir bhi achay ho ...

Contributed : Zahid Shah

www.zahid-shah.blogspot.com/

Har Khushi Hai Logon Ke Daman Mein,

Har Khushi Hai Logon Ke Daman Mein,

Par Ek Hansi Ke Liye Waqt Nahi.

Din Raat Daudti Duniya Mein,

Zindagi Ke Liye Hi Waqt Nahi.

Maa Ki Loree Ka Ehsaas To Hai,

Par Maa Ko Maa Kehne Ka Waqt Nahi.

Saare Rishton Ko To Hum Maar Chuke,

Ab Unhe Dafnane Ka Bhi Waqt Nahi.

Saare Naam Mobile Mein Hain,

Par Dosti Ke Lye Waqt Nahi,

Gairon Ki Kya Baat Karen,

Jab Apno Ke Liye Hi Waqt Nahi.

Aankhon Me Hai Neend Badee,

Par Sone Ka Waqt Nahi.

Dil Hai Ghamon Se Bhara Hua,

Par Rone Ka Bhi Waqt Nahi.

Paison ki Daud Me Aisay Daude,

Ki Thakne ka Bhi Waqt Nahi.

Paraye Ehsason Ki Kya Kadr Karein,

Jab Apne Sapno Ke Liye Hi Waqt Nahi.

Tu Hi Bata E Zindagi,

es Zindagi Ka Kya Hoga,

Ke Har Pal Marne Walon Ko,

Jeene Ke Liye Bhi Waqt Nahi ....!

www.zahid-shah.blogspot.com/

suno tum nay kaha tha na ...

suno tum nay kaha tha na ...
Mujhe jazba-e-mohabbat say kabhi jo tum pukaaro gi,
Main us din laut aaon ga ...
To daikho na,
kai lamhon,
kai saloon,
kai sadiyon,
say tera rasta takti
yeh meri muntazir ankhain
mere dil ki ye dharkan aur sansain
bus tumhara naam laiti hain,
wohi ik wird karti hain,
meri aankhon k sahil par,
teri khwahish ki moujon nay,
bari halchal machai hai,
teri tasveer, sookhay phool aur tohfay!
teri chahat ki khushbu main
abhi takk saans laitay hain
wo sab rastay k jin par tum hamare sath chaltay thay
wo sab rastay jahan teri hansi k phool khiltay thay
jahan pairron ki shakhon par
hum apna naam likhtay thay
udasi say bharay manzar
tumhare laut kar aanay ki umeedain dilatay hain
suno kuch bhi nahi badla
tumharay paaun ki awaz sunnay ki
mere kamray ki be tarteeb chezain muntazir hain
suno!!!
takmeel paati chahton ko yun adhoora to nahi choro
Mujhe matt azmao tum
Chalo Ab Laut Aao Tum ...!

Mohabbat K Safar Mein Jab Wafa Ka Silsla Likha,

Mohabbat K Safar Mein Jab Wafa Ka Silsla Likha,

To Tujh Ko Apni Hasti Ka Akela Aashna Likha,

Zamany Ki Adawat Ne Kaafir Tak Kaha Mujh Ko,

Phir Bhi Meri Chahat Ne Tujhy Sab Se Juda Likha,

Mery Jazbon Ki Taaqat Ko Koi B Samjh Na Paya,

Kisi Ne Ibtada Likha, Kisi Ne Inteha Likha,

Teri Hasti Qayamat Thi Ya Koi Sehar Tha Tujh Mein?

K Khud Taqdeer Ne Tujh Ko Dua Ka Moujaza Likha,

Meri Dharkan Ki Bandish Pe Zamany K Maseeha Ne,

Mohabat Ko Gham Likha, Tujhe UsKi Dawa Likha,

Mujhy Ye Fakhar Hai K Main Tujhy Tehreer Karta Hun,

Isi Khatir Tujhy Pal Pal Apna Hum'Nawa

Likha...

Gham Ko Oorh Leta Hoon

Gham Ko Oorh Leta Hoon
Zehan Se, Takheel Se,
Zaher Teri Muhabbat ka,
Apne Dil K Daman Se,
Khoon Teri Hasrat Ka,
Jab Nichor Leta Hoon,
Gham Ko Oorh Leta Hoon,
Koi Cheenkhta Hai Jab,
Wasal K Andheron main,
Koi Doobta Hai Jab,
Dahal Chuke Saweron Main,
Khud Ko Tor Leta Hoon,
Gham Ko Oorh Leta Hoon,
Karchiyan Jo Bikhri Hain,
Mehar Ki, Wafaon ki,
Phoot Chuki Jo Tasweeren,
Tujh Se Be-Nawaon Ki,
Un Ko Jorh Leta Hoon,
Gham Ko Oorh Leta Hoon,
Dabe Paon Younhi jab,
Sham Gham Ki Dhal Jaye,
Raah Chalte Chalte Jab,
Bewafa Woh Mil Jaye,
Moonh Ko Mor Leta Hoon,
Gham Ko Oarh Leta Hoon ...

Barish,Baadal, Tum Aur Main.

Barish,Baadal,

Tum Aur Main.

Khushbu, Mausam,

Tum Aur Main

Kaley Badal,

Rim-Jhim Barish,

Neela Aanchal

Tum Aur Main

Behti Nadiyan,

Girta Paani,

Aankhein, Aansu

Tum Aur Main

Pass Kisi Dariya K Koi

Bheega Jhonpar

Tum Aur Main

Door Kaheen Koyal Ki Ku-Ku,

Gehra Jangal

Tum Aur Main

Barkha Rim-Jhim Geet Sunayein,

Jhurmat Dalein,

Tum Aur Main

Door Kaheen Par Chota Sa Ik,

Kach'cha Sa Ghar

Tum or Main

Kandha Tera Aur Sar Mera,

Pagal Si Chup

TUM AUR MAIN ...