Tum Ko Mubarak Shaamil Hona Banjaaron Mein,

Tum Ko Mubarak Shaamil Hona Banjaaron Mein,
Basti Ki Izzat Na Dubona Banjaaron Mein,
.
Un Ke Liye Yeh Duniya Ek Ajaayab-Ghar Hai,
Hisra-E-Hawas Ke Beej Na Bona Banjaaron Mein,
.
Apni Udaasi Apne Saath Mein Mat Le Jaana,
Naa-Maqbool Hai Rona Dhona Banjaaron Mein,
.
Un Ke Yahaan Yeh Raat Aur Din Ka Farq Nahin Hai,
Un Ki Aankh Se Jaagna Sona Banjaaron Mein,
.
Yaksaan Aur Masaavi Hissa Sab Ko Dena,
Jo Kuch Bhi Tum Paana Khona Banjaaron Mein,
.
Hijrat Ki Khushboo Se Un Ki Rooh Bandhi Hai,
Hijrat Se Be-Zaar Na Hona Banjaaron Mein !

Poet : Shahryar
Contribute: Zahid Shah

To Kya Ye Tay Hai Ke Ab Umr Bhar Nahin Milna,

To Kya Ye Tay Hai Ke Ab Umr Bhar Nahin Milna,

Chalo Zamaane Ki Khaatir Yeh Jabr Bhi Seh Lain,

Ke Ab Kabhi Jo Mile Toot Kar Nahin Milna,

To Phir Yeh Umar Bhi Kyon Tum Se Gar Nahin Milna,

Rah-E-Wafa Ke Musaafir Ko Kaun Samjhaye,

Ke Is Safar Mein Koi Hum-safar Nahin Milna,

To Phir Ye Umar Bhi Kiyun, Tum Se Gar Nahin Milna,

Juda To Jab Bhi Huay Dil Ko Yoon Laga Jaise,

Ke Ab Gaye To Kabhi Laut Kar Nahin Milna,

To Phir Yeh Umar Bhi Kyon Tum Se Gar Nahin Milna ...

Poet : Suroor Barabankvi
Contribute: Zahid Shah

Gul Phainke Hain Auron Ki Taraf Balke Samar Bhi,

Gul Phainke Hain Auron Ki Taraf Balke Samar Bhi,

Ay Khaana-Bar-Andaaz-E-Chaman Kuch To Idhar Bhi,

Kya Zid Hai Mere Saath Khuda Jaaniye Warna,

Kaafi Hai Tasalli Ko Mere Ek Nazar Bhi,

Kis Hasti-E-Mauhoom Pe Naazaan Hai Tu Ay Yaar,

Kuch Apne Shab-O-Roz Ki Hai Tujh Ko Khabar Bhi,

Tanha Tere Maatam Mein Nahin Shaam-E-Siyah-Posh,

Rehta Hai Sada Chaak Girebaan-E-Seher Bhi ...

Poet : Mirza Rafi Sauda
Contribute: Zahid Shah

Gar Kijiye Insaaf To Kya Zor Wafa Mein,

Gar Kijiye Insaaf To Kya Zor Wafa Mein,

Khat Aate Hi Sab Chal Diye Ab Aap Hain Ya Main!

Tum Jin Ki Sana Karte Ho Kya Baat Hai Unki,

Lekin Tuk Idhar Dekhiyo Ai Yaar Bhala Main,

Yaaro Na Bandhi Us Se Kabhu Shakl-E-Mulaqaat,

Milne Ko To Us Shokh Se Tarsa Hi Raha Main,

Kaifiyat-E-Chashm Us Ki Mujhe Yaad Hai 'Sauda',

Saaghar Ko Mere Haath Se Lena Ke Chala Main ...

Poet : Mirza Rafi Sauda
Contribute: Zahid Shah

Badla Tere Sitam Ka Koi Tujh Se Kya Kare,

Badla Tere Sitam Ka Koi Tujh Se Kya Kare,

Apna Hi Tu Farefta Howe Khuda Kare,

Fikr-E-Ma'asha, Ishq-E-Butaan, Yaad-E-Raftgaan,

Is Zindagi Mein Ab Koi Kya Kya Kiya Kare,

Gar Ho Sharaab-O-Khalwat-E-Mehboob-E-Khoob-Ru,

Zahid Tujhe Qasam Hai, Jo Tu Ho To Kya Kare,

Tanha Na Roz-E-Hijr Hi 'Sauda' Pe Hai Sitam,

Parwaana-Sa Visaal Mein Har Shab Jala Kare ...

Poet : Mirza Rafi Sauda
Contribute: Zahid Shah

Sar Mein Sauda Bhi Nahi Dil Mein Tamanna Bhi Nahi,

Sar Mein Sauda Bhi Nahi Dil Mein Tamanna Bhi Nahi,

Lekin Is Tark-E-Mohabbat Ka Bharosa Bhi Nahi,

Yun To Hungaame Uthaate Nahi Deewana-E-Ishq,

Magar Ai Dost Kuch Aison Ka Thikaana Bhi Nahi,

Muddatein Guzree'N Teri Yaad Bhi Aayi Na Hamein,

Aur Hum Bhool Gaye Hon Tujhe Aisa Bhi Nahi,

Ye Bhi Sach Hai Ke Mohabbat Mein Nahi Majboor,

Ye Bhi Sach Hai Ke Tera Husn Kuch Aisa Bhi Nahi,

Dil Ki Ginti Na Yagaanon Mein Na Be-Gaanon Mein,

Lekin Is Jalvaa-Gaah-E-Naaz Se Uthta Bhi Nahi,

Bad-Gumaan Ho Ke Mil Ai Dost Jo Milna Hai Tujhe,

Ye Jhijhakte Huwe Milna Koi Milna Bhi Nahi,

Shikwa-E-Jaur Kare Kya Koi Us Shokh Se Jo,

Saaf Qaayal Bhi Nahin Saaf Mukarta Bhi Nahi,

Meherbani Ko Mohabbat Nahin Kehte Ai Dost,

Aah Mujh Se To Meri Ranjish-E-Bejaan Bhi Nahi,

Baat Ye Hai Ke Sukoon-E-Dil-E-Vehshi Ka Maqaam,

Kunj-E-Zindaan Bhi Nai Vusa'at-E-Sehra Bhi Nahi,

Munh Se Hum Apne Bura To Nahin Kehte Ke,

Hai Tera Dost Magar Aadmi Achha Bhi Nahi ...

Poet : Kaifi Azmi
Contribute: Zahid Shah

Patta Patta Boota Boota Haal Hamaara Jaane Hai,

Patta Patta Boota Boota Haal Hamaara Jaane Hai,

Jaane Na Jaane Gul Hi Na Jaane Baagh To Saara Jaane Hai,

Chaara-Gari Beemar-E-Dil Ki Rasm-E-Sheher-E-Husn Nahi,

Warna Dilbar Naadaan Bhi Is Dard Ka Chaara Jaane Hai,

Meher-O-Wafa-O-Lutf-O-Inaayat Ek Se Waaqif In Mein Nahi,

Aur To Sab Kuch Tanz-O-Kinaaya, Ramz-O-Ishaara Jaane Hai,

Kya Kya Fitne Sar Par Uske Laata Hai Maashooq Apna,

Jis Bedil, Betaab-O-Tab Ko Ishq Ka Maara Jaane Hai,

Aashiq Sa To Saada Koi Aur Na Hoga Duniya Mein,

Jee Ke Jiyaan Ko Ishq Mein Uske Apne Waaraan Jaane Hai ...

Poet : Meer Taqi Meer
Contribute: Zahid Shah

Jin Jin Ko Tha Yeh Ishq Ka Aazaar Mar Gaye,

Jin Jin Ko Tha Yeh Ishq Ka Aazaar Mar Gaye,

Aksar Hamaare Saath Ke Beemar Mar Gaye,

Yun Kaanon-Kaan Gil Ne Na Jaana Chaman Mein Aah,

Sar Ko Patak Ke Ham Pas-E-Deewar Mar Gaye,

Sad Kaarwaan Wafa Hai Koi Poochta Nahi,

Goyaa Mata-E-Dil Ke Khareedaar Mar Gaye,

Majnu Na Dasht Mein Hai Na Farhaad Koh Mein,

Tha Jin Se Lutf-E-Zindagi Ve Yaar Mar Gaye,

Ghabra Na 'Meer' Ishq Mein Is Salah Zeest Par,

Jab Bas Chala Na Kuch To Mere Yaar Mar Gaye ...

Poet : Meer Taqi Meer
Contribute : Zahid Shah

Sheikh Jo Hai Masjid Mein Nanga Raat Ko Tha Maikhaane Mein,

Sheikh Jo Hai Masjid Mein Nanga Raat Ko Tha Maikhaane Mein,

Jubba, Khirka, Kurta, Topi Masti Mein Inaam Kiya,

Yaan Ke Sapaid-O-Siyaah Mein Ham Ko Dekh, Jo Hai So Itna Hai,

Raat Ko Ro Ro Subah Kiya Ya Din Ko Joon Toon Shaam Kiya,

Subah Chaman Mein Us Ko Kahin Takleef-E-Haw Le Aayi Thi,

Rukh Se Gul Ko Mol Liya Qaamat Se Sarv Ghulaam Kiya,

Sayeed Seemeen Donon Us Ko Haath Mein La Kar Chhor Diye,

Bhoole Se Us Ke Qaul-O-Qasam Par Haaye Khayaal-E-Khaam Kiya,

Kaam Huye Hain Saare Jaaya Har Sa'at Ki Samaajat Se,

Imtihaan Ki Chauguni Un Ne Jun Jun Main Ibraam Kiya,

Aise Aahu-E-Ramkhurda Ki Vehsha Khoni Mushkil Thi,

Sehar Kiya, Ejaaz Kiya, Jin Logon Ne Tujh Ko Raam Kiya,

'Meer' Ke Dono-Mazhab Ko Ab Poochte Kya Ho Un Ne To,

Kashka Khencha Dair Mein Baitha, Kab Ka Tark Islaam Kiya ...

Poet : Meer Taqi Meer
Contribute : Zahid Shah

Ik Molvi Sahib Ki Sunata Hoon Kahani,

Ik Molvi Sahib Ki Sunata Hoon Kahani,
Taizi Nahin Manzoor Tabiat Ki Dikhani,

Shohra Tha Bohat App Ki Sufi Manashi Ka,
Karte The Adab Un Ka Aa'aali-o-Adani,

Kehte The Ke Pinhan Hai Tasawwuf Mein Shariyat,
Jis Tarah Ke Alfaz Mein Muzmar Hon Maani,

Labraiz Mai-e-Zuhd Se Thi Dil Ki Surahi,
Thi Teh Mein Kahin Dard-e-Khiyal-e-Hama-Dani,

Karte The Bayan Aap Karamat Ka Apni,
Manzoor Thi Taadad Mureedon Ki Barhani,

Muddat Se Raha Karte The Humsaye Mein Mere,
Thi Rind Se Zahid Ki Mulaqat Purani,

Hazrat Ne Mere Aik Shanasa Se Ye Poocha,
Iqbal Ke Hai Qumri-e-Shamshad-e-Maani,

Pabandi-e-Ahkam-e-Shariat Mein Hai Kaisa ?
Go Shair Mein Hai Rashak-e-Kaleem-e-Hamdani,

Sunta Hoon Ke Kafir Nahi Hindu Ko Samajhta,
Hai Aesa Aqeeda Asar-e-Falsafa Dani,

Hai Iss Ki Tabiyat Mein Tashayyu Bhi Zara Sa
Tafzeel-e- Ali (R.A.) Hum Ne Suni Is Ki Zubani,

Samajha Hai Ke Hai Raag Ibadaat Mein Dakhil,
Maqsood Hai Mazhab Ki Magar Khak Urani,

Kuch Aar Isse Husn Faroshon Se Nahi Hai,
Adat Ye Humare Shuara Ki Hai Purani,

Gana Jo Hai Shab Ko To Sehar Ko Hai Talawat,
Iss Ramz Ke Ab Tak Na Khule Hum Pe Maani,

Lekin Ye Suna Apne Mureedon Se Hai Main Ne,
Be-Dagh Hai Manind-e-Sehar Iss Ki Jawani,

Majmooa-e-Azdaad Hai, Iqbal Nahi Hai,
Dil Daftar-e-Hikmat Hai, Tabiat Khuftani,

Rindi Se Bhi Aagah, Shariat Se Bhi Waqif,
Poocho Jo Tasawwuf Ki To Mansoor Ka Sani,

Is Shakhs Ki Hum Par To Haqiqat Nahi Khulti,
Ho Ga Ye Kisi Aur Hi Islam Ka Bani,

Al-Qissa Bohat Toul Diya Waaz Ko Apne,
Ta Dair Rahi App Ki Ye Naghz Bayani,

Is Shehar Men Jo Baat Ho, Urh Jati Hai Sub Mein,
Main Ne Suni Apne Ahibba Ki Zubani,

Ik Din Jo Sar-e-Rah Mile Hazrat-e-Zahir,
Phir Chhir Gayi Baton Mein Wohi Baat Purani,

Farmaya, Shikayat Woh Mohabbat Ke Sabab Thi,
Tha Farz Mera Rah Shariyat Ki Dikhani,

Main Ne Ye Kaha Koi Gila Mujh Ko Nahi Hai,
Ye App Ka Haq Tha Zarah-e-Qurb-e-Makani,

Kham Hai Sar-e-Tasleem Mera Aap Ke Agay,
Peeri Hai Tawazaa Ke Sabab Meri Jawani,

Gar Aap Ko Maloom Nahi Meri Haqiqat
Paida Nahin Kuch Iss Se Qasoor-e-Hamadani,

Main Khud Bhi Nahi Apni Haqiqat Ka Shanasa,
Gehra Hai Mere Behr-e-Khiyalaat Ka Pani,

Mujh Ko Bhi Tammana Hai Ke 'Iqbal' Ko Dekhun,
Ki Is Ki Juddai Mein Bohat Ashak Fishani,

Iqbal Bhi 'Iqbal' Se Agah Nahi Hai
Kuch Is Mein Tamaskhar Nahi Wallah Nahi Hai ...

Poet : Allama Iqbal
Contribute: Zahid Shah

Tanhai-E-Shab Mein Hazeen Kya,

Tanhai-E-Shab Mein Hazeen Kya,
Anjum Nahin Tere Hum-Nasheen Kya,

Ye Rif'at-E-Aasmaan-E-Khaamosh,
Khwaabeeda Zameen Jaahaan-E-Khaamosh,

Ye Chaand, Ye Dasht-O-Dar, Ye Koh-Saar,
Fitrat Hai Tamaam Nastar'n-E-Zaar,

Moti Khush Rung Pyaare Pyaare,
Ya'ni Tere Aansuon Ke Taare,

Kiss Shai Ki Tujhe Hawis Hai Ay Dil,
Qudrat Teri Hum Nafs Hai Ay Dil ...

Poet : Allama Iqbal
Contribute: Zahid Shah

Tum Meri Aankh K Taiwar Na Bhula Paao Ge,

Tum Meri Aankh K Taiwar Na Bhula Paao Ge,

An-kahi Baat Ko Samjho Ge To Yaad Aaon Ga,

Ham Ne Khushyon Ki Tarah Dukh Bhi Ekathe Dekhey Hain,

Safah-e-Zeest Ko Palto Ge To Yaad Aaon ga,

Isi Andaz Mein Hote The Mukhatib Mujh Se,

Khat Kisi Or Ko Likho Ge To Yaad Aaon ga,

Sard Raton K Mahkate Hue Sannaton Mein,

Jab Kisi Phool Ko Choomo Ge To Yaad Aaon ga,

Ab Tere Ashk Main Honthon Se Chura Leta Hun,

Hath Se Khud Unhen Poncho Ge To Yad Aaon ga,

Shal Pehnaye ga Ab Kon Decembar Mein tumhein,

Barishon Mein Kabhi Bheego Ge To Yaad Aaon ga,

Aaj Tum Mahfil-e-yaran Pe Ho Maghroor Bohat,

Jab Kabhi Toot K Bikhro ge To Yaad Aaon ga,

Haadse Aayein Ge Jeewan Mein '' To Tum Ho k Nidhal,

Kisi Deewaar Ko Thamo Ge To Yaad Aaon Ga,

Is Mein Shamil Hai Meri Bakht Ki Taareeki Bhi,

Tum Siyah Rang Jo Pehno Ge To Yaad Aaon Ga ...

Sab Say Pyara Hai Pyaar Ka Rishta,

Sab Say Pyara Hai Pyar Ka Rishta,

Jaan Say Jaan-Nisaar Ka Rishta,

Ham Say Rishta Hazoor Wo Rakhiye,

Jo Galley Say Hai Haar Ka Rishta,

Aarzoo Ney Teri Nibhaaya Hai,

Umar Bhar Intezaar Ka Rishta,

Jiss Ki Tasdeeq Dil Bhi Karta Hai,

Hai Wohi Aitbaar Ka Rishta,

Gull Khizaaon Mein Saath Chhor Gye,

Gull Say Achha Thaa Khaar Ka Rishta,

Ham Jisay Dosti Samajh Baithey,

Thaa Faqt Karobaar Ka Rishta ...