Jo Chal Sako To Koi Aisi Chaal Chal Jaana,

Jo Chal Sako To Koi Aisi Chaal Chal Jaana,

Mujhe Gumaan Bhi Na Ho Aur Tum Badal Jaana,

Yeh Sho'lagi Ho Badan Ki To Kya Kiya Jaye.

So Laazmi Tha Tere Pairahan Ka Jal Jaana,

TumheeN Karo Koi Darmaan Yeh Waqt Aa Pohncha,

Ke Ab To Chaara-Garon Ko Bhi Haath Mal Jaana,

Abhi Abhi To Judaai Ki Shaam Aaye Thi,

Humain Ajeeb Laga Zindagi Ka Dhall Jaana,

Saji Sajaaye Hui Maut Zindagi To Nahi,

Mo'arrikhon Ne Maqaaber Ko Bhi Mahal Jaana,

Ye Kya Ke Tu Bhi Issi Saayat-E-Zawaal Main Hai,

Ke Jiss Tarah Se Sabhi Soorajon Ko Dhall Jaana,

Har Ek Ishq Ke Baad Aur Uss Ke Ishq Ke Baad,

'Faraz' Itna Bhi Aasaan Na Tha Sambhal Jaana ...

Poet : Ahmed Faraz
Contribute: Zahid Shah

Dost Kya, Khud Ko Bhi Prastish Ki Ijazat Nahi Di,

Dost Kya, Khud Ko Bhi Prastish Ki Ijazat Nahi Di,

Dil Ko Khoo'n Honay Diya, Aankh Ko Zehmat Nahi Di

Hum Bhi Us Sisila-E-Ishq Mein Be'at Hain Jisay

Hijr Nay Dukh Na Diya, Wasal Nay Rahat Nahi Di

Hum Bhi Ik Sham Bohat Uljhay Huay Thay Khud Mein

Aik Sham Us Ko Bhi Halaat Nay Mohlat Nahi Di

Aajzi Bakhshi Gai Tamkinat-e-Fuqr K Sath

Denay Walay Nay Humein Kaun Si Daulat Nahi Di

Be'wafa Dost Kabhi Laut K Aaye To Unhain

Hum Nay Izhaar-E-Nadamat Ki Azziyat Nahi Di

Dil Kabhi Khuwab K Peechay, Kabhi Duniya Ki Taraf,

Aik Nay Ajar Na Diya, Aik Nay Ujrat Nahi Di....

Poet : Iftikhar Arif
Contribute: Zahid Shah

Muntazir Kab Se Tahayyur Hai Teri Taqreer Ka

Muntazir Kab Se Tahayyur Hai Teri Taqreer Ka

Baat Kar,Tujh Pe Gumaan Honay Laga Tasweer Ka

Raat Kya Soye K Baaqi Umar ki Neend Urr Gai

Khuwab Kya Dekha Dharkaa Lag Gaya Tabeer Ka

Kaisay Paya Tha Tujhe, Phir Kis Tarha Khoya Tujhe

Mujh Sa Munkir Bhi To Qayil Ho Gaya Taqdeer Ka

Jis Tarha Badal Ka Saya Piyaas Bharkata Rahay

Main Ne Ye Alam Bhi Dekha Hai Teri Tasweer Ka

Ishq Mein Sar Porhna Bhi Kya, K Ye Be-Mehar Log

Joye Khoon Ko Naam De Dety Hain Joye Sheer Ka

Jis Ko Bhi Chaha Usy Shiddat Se Chaha Hai Faraz

Silsilah Toota Nahi Hai Dard Ki Zanjeer Ka ...

Poet : Ahmed Faraz
Contribute: Zahid Shah

Jab Kabhi Unki Tawajjo MeiN Kami Payi Gayi,

Jab Kabhi Unki Tawajjo MeiN Kami Payi Gayi,

Az-Sar-e-Nau Daastaan-e-Shauq Dohrayi Gayi,

Bik Gaye Jab Tere Lab Phir Tujh Ko Kya Shikwa Agar,

Zindagani Bada-o-Saghar Se Behlayi Gayi,

Ay Gham-e-Duniya ! Tujhe Kya Ilm Tere Waaste,

Kin BahanoN Se Tark-e-Wafa, Acha Chalo Yoon Hi Sahi,

Aur Agar Tark-e-Wafa Se Bhi Na Ruswayi Gayi,

Kaise Kaise Chashm-o-Areez Gard-e-Gham Se Bujh Gaye,

Kaise Kaise PaikaroN Ki Shaam-e-Zaibayi Gayi,

Dil Ki Dharkan MeiN Tawaajan Aa Chala Hai, Khair Ho,

Meri NazreiN Bujh Ga'eeN Ya Teri Ranayi Gayi,

Un Ka Gham, Un Ka Tasawwur, Un Ke Shikwe Ab KahaN,

Ab To Ye BaateiN Bhi Ay Dil !Ho Ga'eeN Aayi Gayi,

Jurrat-e-InsaaN Pe Go Tadeeb Ke Pehre Rahe

Fitrat-e-InsaaN Ko Kab Zanjeer Pehnayi Gayi,

Arsa-e-Hasti MeiN Ab Tesha-ZanoN Ka Daur Hai,

Rasm-e-Changaizi Uthi, To Qaid-e-Darayi Gayi ...

Contribute: Zahid Shah
www.zahid-shah.blogspot.com/

Andaaz Hu-Ba-Hu Teri Aawaaz-E-Pa Ka Tha,

Andaaz Hu-Ba-Hu Teri Aawaaz-E-Pa Ka Tha,

Dekha Nikal Ke Ghar Se To Jhonka Hawa Ka Tha,

Us Husn-E-Ittefaaq Pe Lut Kar Bhi Shaad Hun,

Teri Raza Jo Thi, Woh Taqaaza Wafa Ka Tha,

Dil Raakh Ho Chuka To Chamak Aur Barh Gayi,

Yeh Teri Yaad Thi Ki Amal Keemiya Ka Tha,

Is Rishta-E-Lateef Ke Asraar Kya Khulein,

Tu Saamne Tha Aur Tassawwur Khuda Ka Tha,

Chhup Chhup Ke Roun Aur Sar-E-Anjuman Hasoon,

Mujh Ko Yeh Mashwara Mere Dard Aashna Ka Tha,

Uttha Ajab Tazaad Se Insaan Ka Khameer,

Aadi Fana Ka Tha Jo Pujaari Baqa Ka Tha,

Toota To Kitne Aayina-Khaano Pe Jar Pari,

Atka Hua Gale Mein Jo Patthar Sada Ka Tha,

Hairaan Hun Ki Daar Se Kaise Bacha 'Nadeem',

Woh Shakhs To Ghareeb-O-Ghuyoor Inteha Ka Tha ...

Poet : Ahmad Nadeem Qasmi
Contribute: Zahid Shah

Har Lamha Agar Gurez-Pa Hai,

Har Lamha Agar Gurez-Pa Hai,
To Kyun Mere Dil Mein Bas Gaya,

Chilman Mein Gulaab Khil Raha Hai,
Yun Tu Hai Ki Shokhi-E-Saba Hai,

Jhukti Nazrein Bata Rahi Hain,
Mere Liye Tu Bhi Sochta Hai,

Main Tere Kahe Se Chup Hoon Lekin,
Chup Bhi To Bayaan-E-Mud'da Hai,

Ik Umr Ke Baad Muskuraa Kar,
Tu Ne To Mujhe Rula Diya,

Is Waqt Ka Main Hisaab Kya Doon,
Jo Tere Baghair Kat Gaya,

Maazi Ki Sunaaoon Kya Kahaani,
Lamha Lamha Guzar Gaya,

Mat Maang Duaayein Jab Muhabbat,
Tera Mera Muaamla Hai,

Kis Dil Se Karoon Bida Tujhko
Toota Jo Sitaara Bujh Gaya Hai,

Rone Ko Ab Ashq Bhi Nahi,
Ya Ishq Ko Sabr Aa Gaya Hai,

Ab Kis Ke Talaash Mein Hain Jhonke,
Main Ne To Diya Bujha Diya Hai,

Ab Tujh Se Jo Rabt Hai To Itna,
Tera Hi Khuda Mera Khuda Hai,

Mere Hi Naqoosh-E-Pa Se Saj Kar,
Sehra Mera Naam Poochta Hai ...

Poet : Ahmad Nadeem Qasmi
Contribute: Zahid Shah

Tujhe Kho Kar Bhi Tujhe Paaun Jahaan Tak Dekhun,

Tujhe Kho Kar Bhi Tujhe Paaun Jahaan Tak Dekhun,

Husn-E-Yazdaan Se Tujhe Husn-E-Butaan Tak Dekhun,

Tu Ne Yun Dekha Hai Jaise Kabhi Dekha Hi Na Tha,

Main To Dil Mein Tere Qadmon Ke Nishaan Tak Dekhun,

Sirf Is Shauq Se Poochi Hain Hazaaron Baatein,

Main Tera Husn, Tere Husn-E-Bayaan Tak Dekhun,

Mere Veeraana-E-Jaan Mein Teri Yaadon Ke Tufail,

Phool Khilte Nazar Aate Hain Jahaan Tak Dekhun,

Waqt Ne Zehen Mein Dhundhla Diye Tere Khad-O-Khaal,

Yun To Main Toot'te Taaron Ka Dhuaan Tak Dekhun,

Dil Gaya Tha To Yeh Aankhein Bhi Koi Le Jaata,

Main Faqat Ek Hi Tasveer Kahaan Tak Dekhun,

Ik Haqeeqat Sahi, Firdaus Mein Hooron Ka Wajood,

Husn-E-Insaan Se Nibat Loon To Wahaan Tak Dekhun ...

Poet : Ahmad Nadeem Qasmi
Contribute: Zahid Shah

Tay Karoon Ga Yeh Andhera Main Akela Kaise,

Tay Karoon Ga Yeh Andhera Main Akela Kaise,

Mere Hamraah Chale Ga Mera Saaya Kaise,

Meri Aankhon Ki Chaka-Chaundh Baant Sakti Hai,

Jis Ko Dekha Hi Na Jaaye, Use Dekha Kaise,

Chaandni Us Se Lipat Jaaye, Hawaayein Chherein.

Koi Reh Sakta Hai Duniya Mein Achoota Kaise,

Main To Us Waqt Se Darta Hun Ki Woh Pooch Na Lein.

Yeh Agar Jabr Ka Aansoo Hai To Tapka Kaise,

Yaad Ke Qasr Hain Ummeed Ki Qandeelein Hain,

Main Ne Aabaad Kiye Dard Ke Sehra Kaise,

Zehen Mein Nit Naye But Daal Kar Ye Dekhta Hoon,

But-Kaday Ko Woh Bana Leta Hai Kaaba Kaise,

Us Ki Qudrat Ne Mera Raasta Roka Ho Ga,

Pooch Mujh Se Ki Qayaamat Huyi Barpa Kaise,

Agar Samandar Hi Se Dariyaaon Ka Rizq Aata Hai,

Us Ke Seene Mein Utar Jaate Hain Dariya Kaise,

Toot'ti Raat Ne Sooraj Se Yeh Sargoshi Ki,

Main Na Hoti To Tera Noor Barasta Kaise ...

Poet : Ahmad Nadeem Qasmi
Contribute: Zahid Shah

Tujh Say Koi Gilaa Nahi Hai,

Tujh Say Koi Gilaa Nahi Hai,
Qismat Mein Meri Silaa Nahi Hai,

Bichad Ke To Na Jaane Kya Haal Ho,
Jo Shakhs Abhi Mila Nahi Hai,

Jeene Ki To Aarzu Hi Kab Thi,
Marne Ka Bhi Hausla Nahi Hai,

Jo Zeest Ko Mu’tabir Bana De,
Aisa Koi Silsila Nahi Hai,

Khushboo Ka Hisaab Ho Chuka,
Aur Phool Abhi Khila Nahi Hai,

Sershaari-E-Rehbari Main Dekha,
Peechhe Mera Qaafilla Nahi Hai,

Ek Thes Pe Dil Ka Phoot Behna
Chhoone Mein To Aabla Nahi Hai ...

Poetess : Parveen Shakir
Contribute: Zahid Shah

Harf -e- Taaza Nai Khushboo Mein Likha Chahta Hai,

Harf -e- Taaza Nai Khushboo Mein Likha Chahta Hai,

Baab Ik Aur Mohabbat Ka Khula Chahta Hai,

Ek Lamhay Ki Tawajo Nahin Haasil Uss Ki,

Aur Yeh Dil Ke Ussay Had Se Siwa Chahta Hai,

Ik Hijaab Tah-E-Iqraar Hai Ma'nay Manay Warna,

Gul Ko Maaloom Hai Kaya Dast-E-Saba Chahta Hai,

Ret He Ret Hai Iss Dil Mein Musaafir Mere,

Aur Yeh Sehra Tera Naqsh-E-Kaf-E-Paa Chahta Hai,

Yehi Khamoshi Ke Rung Mein Zaahir Ho Gi,

Aur Kuch Roz Ke Woh Shokh Khula Chahta Hai,

Raat Ko Maan Liya Dil Ne Muqaddar Lekin,

Raat Ke Haath Pe Ab Koi Diya Chahta Hai,

Tere Paimaane Mein Gardish Nahin Baaqi Saaqi,

Aur Teri Bazm Se Ab Koi Utha Chahta Hai ...

Poetess : Parveen Shakir
Contribute: Zahid Shah

Daam-E-Ulfat Se Chhoot'ti Hi Nahi,

Daam-E-Ulfat Se Chhoot'ti Hi Nahi,
Zindagi Tujh Ko Bhoolti Hi Nahi,
.
Kitne Toofaan Utthaye Aankhon Ne,
Nawa Yaadon Ki Doobti Hi Nahi,
.
Tujh Se Milne Ki Tujhko Paane Ki,
Koi Tadbeer Soojhti Hi Nahi,
.
Ek Manzil Pe Ruk Gayi Hai Hayaat,
Yeh Zameen Jaise Ghoomti Hi Nahi,
.
Log Sar Deewar Phod Kar Bhi Dekh Chuke,
Gham Ki Deewar Toot'ti Hi Nahi ...

Poet : Shahryar
Contribute: Zahid Shah

Kabhi Apne Se Mujh Ko Khush-Gumaan Hone Nahin Do Ge,

Kabhi Apne Se Mujh Ko Khush-Gumaan Hone Nahin Do Ge,

Ki Tum Mehnat Ko Apni Raayagaan Hone Nahin Do Ge,
.
Musafir Ki Tarah Aao Ge Ek Dil Dil-Saraai Mein,

Raho Ge Is Tarah Is Ko Makaan Hone Nahin Do Ge.
.
Zameen Par Rengte Rehne Ko Tanha Chhor Jaao Ge,

Kisi Haalat Mein Mujh Ko Aasmaan Hone Nahin Do Ge,
.
Meri Kashti Ko Jab Majdhaar Mein Laaye To Keh Dete,

Siwa Apne Kisi Ko Baad-Baan Hone Nahin Do Ge,
.
Bahut Se Mor Daanista Nahin Aane Diye Main Ne,

Kahaani Ko Meri Tum Daastaan Hone Nahin Do Ge ...

Poet : Shahryar
Contribute: Zahid Shah

Tum Ko Mubarak Shaamil Hona Banjaaron Mein,

Tum Ko Mubarak Shaamil Hona Banjaaron Mein,
Basti Ki Izzat Na Dubona Banjaaron Mein,
.
Un Ke Liye Yeh Duniya Ek Ajaayab-Ghar Hai,
Hisra-E-Hawas Ke Beej Na Bona Banjaaron Mein,
.
Apni Udaasi Apne Saath Mein Mat Le Jaana,
Naa-Maqbool Hai Rona Dhona Banjaaron Mein,
.
Un Ke Yahaan Yeh Raat Aur Din Ka Farq Nahin Hai,
Un Ki Aankh Se Jaagna Sona Banjaaron Mein,
.
Yaksaan Aur Masaavi Hissa Sab Ko Dena,
Jo Kuch Bhi Tum Paana Khona Banjaaron Mein,
.
Hijrat Ki Khushboo Se Un Ki Rooh Bandhi Hai,
Hijrat Se Be-Zaar Na Hona Banjaaron Mein !

Poet : Shahryar
Contribute: Zahid Shah