Barri Baaton Ko Khatir Mein Na Laana Uss Ki Aadat Hai
Zara Sii Baat Par Toofan Utthana Uss Ki Aadat Hai
Muhabbat Mein Woh Sanjeeda Kahan Hai, Daikhtey Rehna
Muhabbat Har Kissi Say Yoon Jataana Uss Ki Aadat Hai
Shikayat Karney Aaye Ho To Itna Zehen Mein Rakhna
Sabhi Baaton Ko Baaton Mein Urrana Uss Ki Aadat Hai
Muhabbat Mein To Woh Taaza-ba-Taaza Hi Ka Qayal Hai
Puraani Chaahaton Ko Bhool Jaana Uss Ki Aadat Hai
Zyada Gor Bhi Acha Nahin Hai Aisi Baaton Par
Kisi Ka Naam Likh Likh Kar Mitaana Uss Ki Aadat Hai ...
Contributed : Zahid Shah
Kambakht_Ishq
No comments:
Post a Comment