Maan Bhi Ja Tu Mera Dil Na Jala Perdesi,Aaj Ki Raat Na Ja Pardesi

Maan Bhi Ja Tu Mera Dil Na Jala Perdesi,
Aaj Ki Raat Na Ja Pardesi,
Itna Jaldi Tujhe Janay Ki Zaroorat Kya Hai,
Tujh Ko Shayad Nahi Maaloom Mohabbat Kya Hai,
Door Mujh Say Mera Dil Tor K Janay Walay,
Teri Nazron Mein Mere Piyar Ki Qeemat Kya Hai,
Kuch To Batlaa K Tere dil Mein Hai Kya Pardesi,
Aaj Ki Raat Na Ja Pardesi,

Kya Kisi Aur Ko Bhi Waqt Diya Hai Tu Nay,
Kya Kisi Aur Say Bhi Waada Kiya Hau Tu Nay,
Raah Mein Kya Koi Dhanwaan Mila Tha Tujh Ko,
Kya Mohabbat Ka Badal Dhoond Liya Hai Tu Nay,
Is Tarha Mujh Say Aankhein Na Churaa Pardesi,
Aaj Ki Raat Na Ja Pardesi,

Chand Lamhon Li Mulaqaat, Mulaqaat Hai Kya,
Tujh Ko Maaloom Nahi Taaron Bhari Raat Hai Kya,
Itni Jaldi Tu Mohabbat Ka Sabab Bhool Gaya,
Aisi Wesi Nahi Kuch Baat To Phir Baat Hai Kya,
Dekh ... Mujh Say Na Koi Baat Chupa Pardesi,
Aaj Ki Raat Na Ja Pardesi,

Tu Mera Dil Hai, Meri Jaan Mera Yaar Hai Tu,
Tu Meri Pehli Mohabbat Hai, Mera Piyar Hai Tu,
Tu Nay So Baar Mere Sar Ki Qasam Khayi Hai,
Main Gunahgaar Hoon Ya Mera Gunahgaar Hai Tu,
Jaatay Jaatay Mujhe Seenay Say Laga Pardesi,
Aaj Ki Raat Na Ja Pardesi,

Maan Bhi Ja Tu Mera Dil Na Jala Perdesi,
Aaj Ki Raat Na Ja Pardesi ....

Contributed : Zahid Shah