Us K Ghar Ka Pata Poochtay Poochtay,Poochnay wala Khud Laa_Pataa Ho Gaya,

Lay Kar Tumhara Naam Jahan Sar Jhuka Diya,

Main Nay Usi Diyaar Ko Kaaba Bana Diya,

Sar Jhukaya To Patthar Sanam Ban Gaye,

Ishq Bhatka To Had Aashnaa Ho Gaya,

Rashk Karta Hai Kaaba Mere Kufar Par,

Main Nay Jis Butt Ko Pooja, Khuda Ho Gaya,

Gumraahi Hai K Mizaaj Hai Ishq Ka,

Hai Junoon To Manzil Hai Kon Si ?

Us K Ghar Ka Pata Poochtay Poochtay,

Poochnay wala Khud Laa_Pataa Ho Gaya,

Main Mohabbat Say Moonh Morr Leta Agar,

Toot Parti Ye Bijli Kisi Aur Par,

Mere Dil Ki Tabaahi Say Ye To Hua,

Kam Say Kam Doosron Ka Bhala Ho Gaya,

Waqt-e-Ehbaab Par Chhaai Sooraj Girhan,

Lag Duniya Khushi Chandni Zindagi,

Mere Mehboob Ik Tere Gham K Siwaa,

Jo Mila Raastay Say Juda Ho Gaya,

Kaarobaar-e-Tamanna Mein Ye To Hua,

Un K Qadmon Mein Marnay Ka Mauqa Mila,

Zindagi Bhar To Ghaata Uthaaye Rehay,

Aaj Pehli Dafa Faaida Ho Gaya,

Aisa Bhatka K Lauta Nahi Aaj Tak,

Aisa Bichrra K Aaya Nahi Aaj Tak,

Dil Bhi Kambakht Hai Kis Qadar Baawla,

Aap K Ghar Gaya, Aap Ka Ho Gaya ....

Contributed : Zahid Shah