Ay Dil Kisi Ki Yaad Mein Hota Hai Beqarar Kiyun,

Ay Dil Kisi Ki Yaad Mein Hota Hai Beqarar Kiyun,

Jis Nay Bhula Diya Tujhe, Us Ka Hai Intezar Kiyun,

Wo Na Mila Ga Ab Tujhe Jis Ki Tujhe Talash Hai,

Raahon Mein Aaj Be-Kafan Teri Wafa Ki Laash Hai,

Ye To Zara Bata Mujhe Tu Nay Kiya Tha Pyar Kiyun,

Ay Dil Kisi Ki Yaad Mein Hota Hai Beqarar Kiyun,

Aansu Jo Thay Rukay Hoay, Hans Ke Inhein Baha Bhi Day

Jitnay Hai Daagh Pyar K Ro K Inhein Mita Bhi Day

Tu Nay Hai Phir Bana Liya Gham Ko Galay Ka Haar Kiyun

Ay Dil Kisi Ki Yaad Mein Hota Hai Beqarar Kiyun,

Aaye Gi Na Ab To Roshni Ab Na Kisi K Naam Say,

Tu Wo Diya Hai Meray Dil Jo Bhuja Nahi Sham Se,

Tootay Gi Phir Koi Kiran Tujh Ko Hai Aitebar Kyun,

Ay Dil Kisi Ki Yaad Mein Hota Hai Beqarar Kiyun,

Jis Nay Bhula Diya Tujhe Us Ka Hai Intezar Kiyun ...