Shab-E-Taveel Kisi Qissa Go Say Mil, Meray Dil,
Wagarna Hota Rahay Ga Younhi Khajal, Meray Dil.
Panah Gaah Bhi Or Baa'is-E-Namood Bhi Hai,
Samjh Mein Aata Nahi Mojza-E-Gil, Meray Dil.
Zara Sa Zabt Dikha Or Meri Anaa Ko Bacha,
To Dard Seh Kay Gulabo'n Ki Tarah Khil, Meray Dil.
Main Sara Saal Azadari Mein Guzarta Hoon,
Na Honay Doon Ga Kabhi Zakhm Mundamil, Meray Dil.
Kabhi Mein Misr Geya Tujh Ko Baich Aao'n Ga,
Sakot-E-Sham Mein Hota Hai Kiu'n Mukhil, Meray Dil.
Woh Mehrbaan Nigahai'n Bhi Chorr Janay Ko Hain,
Kaha Tha Kis Nay Keh Ho Itna Mushtaa'il, Meray Dil..!!
No comments:
Post a Comment